പെരുമ്പാവൂർ : ആലുവയിൽ മൂന്ന് കിലോ കഞ്ചാവുമായി ഇതര സംസ്ഥാനത്തൊഴിലാളി പോലീസ് പിടിയിൽ. വെസ്റ്റ് ബംഗാൾ മൂർഷിദാബാദ് ഗോദഗിരി സ്വദേശി പിൻ്റു മണ്ഡൽ (38)നെയാണ് ആലുവ പോലീസ് പിടികൂടിയത്.
ചവറുപാടം ഭാഗത്ത് കഞ്ചാവ് വിൽപ്പനക്കെത്തിച്ചപ്പോഴാണ് ഇയാളെ അറസ്റ്റ് ചെയ്തത്. കിലോയ്ക്ക് 3000 രൂപയ്ക്ക് വാങ്ങി ഇവിടെ തീവണ്ടി മാർഗം എത്തിച്ച് 30000 രൂപയ്ക്കാണ് വിൽപ്പന. ഇതര സംസ്ഥാന ത്തൊഴിലാളികൾക്കിടയിലാണ് കച്ചവടം. കഴിഞ്ഞ രാത്രി നടന്ന പ്രത്യേക പരിശോധനയിലാണ് ഇയാൾ പിടിയിലാകുന്നത്.
ആലുവ ഡിവൈഎസ്പി ടി.ആർ. രാജേഷിന്റെ നേതൃത്വത്തിലുള്ള അന്വേഷണ സംഘത്തിൽ ഇൻസ്പെക്ടർ എം. എം. മഞ്ജുദാസ്, എസ്ഐ കെ. നന്ദകുമാർ, എഎസ്ഐ കെ. എ. നവാബ് സിപിഓമാരായ മാഹിൻഷാ അബൂബക്കർ ,കെ. എം. മനോജ്, പി.എ. നൗഫൽ, വി.എ. അഫ്സൽ, കെ.എ. സിറാജുദ്ദീൻ എന്നിവരാണ് ഉണ്ടായിരുന്നത്.
