ന്യൂദല്‍ഹി: ദക്ഷിണ റെയില്‍വേക്ക് രണ്ട് വന്ദേ ഭാരത് ട്രെയിനുകള്‍ കൂടി അനുവദിച്ചു. ചെന്നൈ എഗ്മോര്‍- നാഗര്‍കോവില്‍, ബെംഗളൂരു കന്റോണ്‍മെന്റ്- മധുര സര്‍വീസുകളാണ് അനുവദിച്ചിരിക്കുന്നത്. സര്‍വീസുകളുടെ ഉദ്ഘാടന കര്‍മ്മം നാളെ പ്രധാനമന്ത്രി നിര്‍വഹിക്കും. റെഗുലര്‍ സര്‍വീസ് തിങ്കളാഴ്ച് മുതലാകും ആരംഭിക്കുക. എഗ്മോറില്‍ നിന്നും നാഗര്‍കോവിലിലേക്കുള്ള സര്‍വീസ് രാവിലെ അഞ്ചിന് ആരംഭിക്കുമെന്ന് റെയില്‍ അറിയിച്ചു
പ്രധാനമന്ത്രി നരേന്ദ്രമോദി വിഡിയോ കോണ്‍ഫറന്‍സിലൂടെയാണ് ഉദ്ഘാടനം നിര്‍വ്വഹിക്കുകയെന്ന് ദക്ഷിണ റെയില്‍വേ അധികൃതര്‍ അറിയിച്ചു.ബുധനാഴ്ച ഒഴികെയുള്ള ദിവസങ്ങളില്‍ ചെന്നൈ- നാഗര്‍കോവില്‍ വന്ദേഭാരതും ചൊവ്വാഴ്ച ഒഴികെയുള്ള ദിവസങ്ങളില്‍ ബെംഗളൂരു- മധുര വന്ദേഭാരതും സര്‍വീസ് നടത്തും. ഉദ്ഘാടനത്തിനായി സെന്‍ട്രല്‍ റെയില്‍വേ സ്റ്റേഷനില്‍ പ്രത്യേക ക്രമീകരണങ്ങള്‍ ഒരുക്കും.
പ്രതികരിക്കാൻ ഇവിടെ എഴുതുക: