തിരുവനന്തപുരം: തനിക്കെതിരെയുള്ള ലൈംഗികാരോപണം ഉന്നയിച്ച നടിക്ക് ഗൂഢലക്ഷ്യമെന്ന് നടനും എംഎല്എയുമായ മുകേഷ്. തന്റെ സിനിമ, രാഷ്ട്രീയ ജീവിതം തകര്ക്കുകയാണ് ലക്ഷ്യമെന്നും മുന്കൂര് ജാമ്യാപേക്ഷയില് പറയുന്നു.
ആരോപണം തെറ്റെന്ന് തെളിയിക്കാന് തെളിവുണ്ടെന്നും മുകേഷ് പറയുന്നു. 2009 മാര്ച്ച് 7 ന് അയച്ച ഇ മെയില് സന്ദേശം തെളിവായുണ്ട്.
തന്റെ മാന്യമായ പെരുമാറ്റത്തെ പരാതിക്കാരി അഭിനന്ദിച്ചിട്ടുണ്ട്. അറസ്റ്റ് ചെയ്ത് റിമാന്ഡിലായാല് നികത്താനാകാത്ത നഷ്ടമുണ്ടാകുമെന്നും അന്വേഷണവുമായി എല്ലാത്തരത്തിലും സഹകരിക്കുമെന്നും ജാമ്യാപേക്ഷയില് പറയുന്നു.
അതേസമയം മുകേഷിനെ ബ്ലാക്മെയില് ചെയ്യാനുള്ള ശ്രമമാണ് നടന്നതെന്ന് മുകേഷിന്റെ അഭിഭാഷകന് ജോ പോള് പറഞ്ഞു.ഇലക്ട്രോണിക് തെളിവുകള് കോടതിയില് സമര്പ്പിച്ചിട്ടുണ്ടെന്നും അടിയന്തര അറസ്റ്റിനുള്ള സാഹചര്യമില്ലെന്നും മുകേഷിന്റെ അഭിഭാഷകന് മാധ്യമങ്ങളോട് പറഞ്ഞു.
പൊതുമധ്യത്തില് നില്ക്കുന്ന ആളാണ് മുകേഷ്. ഒളിച്ചോടുന്ന ആള് അല്ല. പ്രതിഷേധം കാരണം നേരിട്ടെത്തി തെളിവുകള് കൈമാറാനാകാത്ത അവസ്ഥയിലാണ് മുകേഷ്. 15 വര്ഷം മുമ്പ് നടന്ന സംഭവത്തെ കുറിച്ചാണ് ആരോപണം.
സെപതംബര് 2 വരെ മുകേഷിന്റെ അറസ്റ്റ് കോടതി തടഞ്ഞിട്ടുണ്ട്.
