ആലുവ : യുവതിയെ മാനഭംഗപ്പെടുത്താൻ ശ്രമിച്ച കേസിൽ പ്രതികൾ അറസ്റ്റിൽ. പള്ളിപ്പുറം പോത്താൽ വളവ് പുതുക്കാട്ടുപറമ്പിൽ വീട്ടിൽ സിയാദ് (45), മുനമ്പം കൊച്ചന കത്ത് വീട്ടിൽ ധനിത് (35) എന്നിവരെയാണ് മുനമ്പം പോലീസ് അറസ്റ്റ് ചെയ്തത്.
മുനമ്പം വേളാങ്കണ്ണി പള്ളിക്ക് സമീപമുള്ള ബീച്ച് റിസോർട്ടിൽ വച്ച് കഴിഞ്ഞ 23ന് പകൽ 2.30നാണ് സംഭവം. പ്രതികൾ യുവതി താമസിച്ചിരുന്ന മുറിയിലേക്ക് കയറിച്ചെന്ന് അവർ താമസിക്കുന്ന മുറിയാണെന്ന് പറഞ്ഞ് യുവതിയെ കടന്നുപിടിച്ച് കട്ടിലേക്ക് തള്ളിയിടുകയും, തള്ളിമാറ്റി പുറത്തേക്ക് ഓടാൻ ശ്രമിച്ച യുവതിയെ ശാരീരികയുമായി ഉപദ്രവിക്കുകയും അസഭ്യം പറയുകയുമായിരുന്നു.
ഇൻസ്പെക്ടർ കെ.എസ് സന്ദീപ്, എസ്ഐ ടി.ബി. ബിബിൻ, എഎസ് ഐ കെ. ആർ. സുദീശൻ, സിപിഒ മാരായ സി. ജെ. ജീബിൻ കെ. പി. കിരൺലാൽ എന്നിവർ ചേർന്നാണ് പ്രതികളെ പിടികൂടിയത്.
