തിരുവനന്തപുരം : നടിയെ ലൈംഗിക ചൂഷണത്തിനായി നിര്മാതാവ് താമസിക്കുന്ന ഹോട്ടല് മുറിയിലേക്ക് എത്തിച്ചുവെന്ന വെളിപ്പെടുത്തലിനെ തുടര്ന്ന് ലോയേഴ്സ് കോണ്ഗ്രസ് സംസ്ഥാന പ്രസിഡന്റ് അഡ്വ വി.എസ് ചന്ദ്രശേഖരനെതിരെ ഹൈക്കോടതിയിലെ വനിത അഭിഭാഷക കൂട്ടായ്മ രംഗത്ത് വന്നു.വി. എസ് ചന്ദ്രശേഖരനെ എല്ലാ സ്ഥാനത്ത് നിന്നും പുറത്താക്കണമെന്ന ആവശ്യമുന്നയിച്ച് കോണ്ഗ്രസ് നേതൃത്വത്തിന് പരാതി നല്കി.
ആരോപണം അതീവ ഗുരുതരമായതിനാല് പൊലീസ് അന്വേഷണത്തോടൊപ്പം പാര്ട്ടി തലത്തില് പ്രത്യേക അന്വേഷണം നടത്തി സത്യാവസ്ഥ പുറത്തു കൊണ്ടുവരണമെന്നും ആവശ്യമുണ്ട്. പതിനഞ്ചോളം വനിതാ അഭിഭാഷകരാണ് പരാതി നല്കിയത്. ഹേമ കമ്മിറ്റി റിപ്പോര്ട്ടിന്റെ അടിസ്ഥാനത്തില് കേസ് എടുക്കണമെന്നാവശ്യപ്പെട്ട് സംസ്ഥാന പൊലീസ് മേധാവിക്കും പരാതി നല്കി.
നടന്മാരായ മുകേഷ്, ജയസൂര്യ, മണിയന്പിള്ള രാജു, ഇടവേള ബാബു, പ്രൊഡക്ഷന് കണ്ട്രോളര്മാരായ നോബിള്, വിച്ചു ലോയേഴ്സ് കോണ്ഗ്രസ് നേതാവ് ചന്ദ്രശേഖരന് എന്നിവര്ക്കെതിരെയാണ് നടി പരാതി നല്കിയത്.
