മ്യൂണിക്ക്: ജര്‍മന്‍ ബുന്ദസ് ലീഗയില്‍ കരുത്തരായ ബയേണ്‍ മ്യൂണിക്കിന് വിജയത്തുടക്കം. ആദ്യ മത്സരത്തില്‍ വോള്‍വ്സ്ബര്‍ഗിനെ രണ്ടിനെതിടെ മൂന്ന് ഗോളുകള്‍ക്ക് തോല്‍പ്പിച്ചു. കഴിഞ്ഞ തവണ കൈവിട്ട കിരീടം തിരിച്ചുപിടിക്കുന്നതിനായി ഇറങ്ങിയ ബയേണ്‍ മികച്ച പോരാട്ടമാണ് നടത്തിയത്. ആദ്യം ലീഡ് നേടുകയും പിന്നീട് പിന്നിലാവുകയും ചെയ്തശേഷമാണ് ബയേണിന്റെ വിജയം.
ബയേണിനായി 19-ാം മിനിറ്റില്‍ മുസിയാലയും 82-ാം മിനിറ്റില്‍ സെര്‍ഗെ ഗ്‌നാബ്രിയും ലക്ഷ്യം കണ്ടപ്പോള്‍ ഒരെണ്ണം വോള്‍വ്സ് താരത്തിന്റെ സംഭാവനയായിരുന്നു. 65-ാം മിനിറ്റില്‍ കാമിന്‍സ്‌കിയാണ് സ്വന്തം വലയില്‍ പന്തെത്തിച്ച് ബയേണിന് ഗോള്‍ സമ്മാനിച്ചത്. വോള്‍വ്സ്ബര്‍ഗിന്റെ രണ്ട് ഗോളും നേടിയത് ലവ്റോ മയേറാണ്. 47-ാം മിനിറ്റിലും 55-ാം മിനിറ്റില്‍ പെനാല്‍റ്റിയിലൂടെയുമായിരുന്നു താരത്തിന്റെ ഗോളുകള്‍.
മറ്റൊരു കളിയില്‍ ഹിഡെന്‍ഹീം മറുപടിയില്ലാത്ത രണ്ട് ഗോളുകള്‍ക്ക് സെന്റ് പൗളിയെ കീഴടക്കി വിജയം സ്വന്തമാക്കി.
പ്രതികരിക്കാൻ ഇവിടെ എഴുതുക: