നേപ്പാളിൽ വാഹനാപകടം ; 40 യാത്രക്കാരുമായി പോയ ഇന്ത്യൻ ബസ് നദിയിൽ വീണു ; 14 മരണം

ഖാഠ്മണ്ഡു : നേപ്പാളിൽ വാഹനാപകടം. 40 യാത്രക്കാരുമായി പോയ ഇന്ത്യൻ ബസ് തനാഹുൻ ജില്ലയിലെ മർസ്യാംഗ്ഡി നദിയിൽ വീണു. 14 പേർ മരിച്ചതായാണ് റിപ്പോർട്ട് . 16 പേർക്ക് പരിക്കേറ്റു . സംഭവസ്ഥലത്ത് രക്ഷാപ്രവർത്തനം പുരോഗമിക്കുകയാണ്. ഗോരഖ്പൂരിൽ നിന്നുള്ളതാണ് ബസ് എന്നാണ് സൂചന .യുപി എഫ്ടി 7623 എന്ന നമ്പർ പ്ലേറ്റുള്ള ബസാണ് നദിയിലേക്ക് മറിഞ്ഞതെന്ന് ഡിഎസ്പി ദീപ്കുമാർ രായ പറഞ്ഞു.

പൊഖാറയിൽ നിന്ന് കാഠ്മണ്ഡുവിലേക്ക് പോവുകയായിരുന്ന ബസ്സാണ് അപകടത്തിൽപ്പെട്ടത്. നേപ്പാൾ അധികൃതരുമായി ബന്ധപ്പെട്ടിട്ടുണ്ടെന്നും , വിശദവിവരങ്ങൾ ആരായുകയാണെന്നും യുപി സർക്കാർ വ്യക്തമാക്കി. ഈ വർഷം ജൂലൈയിൽ രണ്ട് ബസുകളിലായി യാത്ര ചെയ്ത 65 പേർ നേപ്പാളിലെ ത്രിശൂലി നദിയിൽ ഒഴുക്കിൽപ്പെട്ടിരുന്നു. മേഖലയിൽ കനത്ത മഴ പെയ്യുന്ന സമയത്തായിരുന്നു സംഭവം.