കുമരകം: കായല്‍ കാറ്റേറ്റും ശാന്തമ്മ ചേച്ചിയുടെ ചായയുടെ രുചിയറിഞ്ഞും കേന്ദ്രമന്ത്രി സുരേഷ് ഗോപി കുമരകത്ത്. സ്വകാര്യ സന്ദര്‍ശനത്തിനെത്തിയ സുരേഷ് ഗോപി കുമരകത്തെ കോക്കനട്ട് ലഗൂണ്‍ ഹോട്ടലില്‍ വെച്ചാണ് വള്ളത്തില്‍ ചായ കച്ചവടം നടത്തുന്ന ശാന്തമ്മ ചേച്ചിയെ പരിചയപ്പെട്ടത്.
ശാന്തമ്മ ചേച്ചിയുടെ നാടന്‍ ചായയുടെ രുചി നുകര്‍ന്ന കേന്ദ്രമന്ത്രി കുടുംബ വിശേഷങ്ങളും ചോദിച്ചറിഞ്ഞു. കോക്കനട്ട് ലഗൂണ്‍ ജനറല്‍ മാനേജര്‍ ഹരികൃഷ്ണനാണ് കവണാറ്റിന്‍കര ആറ്റുചിറ കേശവന്റെ ഭാര്യയായ ശാന്തമ്മയെ മന്ത്രിക്ക് പരിചയപ്പെടുത്തിയത്. പന്ത്രണ്ട് വര്‍ഷത്തിലേറെയായി വള്ളത്തില്‍ ചായയും പലഹാരങ്ങളുമായി ഹോട്ടലിലെത്തി വിനോദ സഞ്ചാരികള്‍ക്ക് വില്‍പ്പന നടത്തി വരികയാണ് ഈ വീട്ടമ്മ.
പ്രതികരിക്കാൻ ഇവിടെ എഴുതുക: