ലോകമഹായുദ്ധകാലത്ത് ഒന്നിച്ചു പോരാടിയ പോളണ്ടിലെയും ഇന്ത്യയിലെയും സൈനികരെ സ്മരിച്ച് നരേന്ദ്രമോദി മോണ്ടെ കാസിനോ യുദ്ധസ്മാരകത്തില്‍

വാര്‍സോ: പ്രധാനമന്ത്രി നരേന്ദ്ര മോദി വാര്‍സോയിലെ മോണ്ടെ കാസിനോ യുദ്ധസ്മാരകത്തില്‍ പുഷ്പചക്രം സമര്‍പ്പിക്കുകയും ശ്രദ്ധാഞ്ജലിയര്‍പ്പിക്കുകയും ചെയ്തു.

രണ്ടാം ലോകമഹായുദ്ധകാലത്ത് ഇറ്റലിയിലെ പ്രസിദ്ധമായ മോണ്ടെ കാസിനോ യുദ്ധത്തില്‍ ഒന്നിച്ചു പോരാടിയ പോളണ്ടിലെയും ഇന്ത്യയിലെയും മറ്റു രാജ്യങ്ങളിലെയും സൈനികരുടെ ത്യാഗത്തെയും വീര്യത്തെയും അനുസ്മരിപ്പിക്കുന്നതാണ് ഈ സ്മാരകം.

ഇന്ത്യയും പോളണ്ടും തമ്മിലുള്ള പൊതുവായ ചരിത്രത്തിനും ആഴത്തില്‍ വേരൂന്നിയ ബന്ധത്തിനും അടിവരയിടുന്നതാണു സ്മാരകത്തിലേക്കുള്ള പ്രധാനമന്ത്രിയുടെ സന്ദര്‍ശനം. സ്മാരകം ഇന്നും നിരവധിപേര്‍ക്കു പ്രചോദനമായി തുടരുന്നു.