ഭോപ്പാൽ : അയോധ്യയിൽ മഹാക്ഷേത്രം ഉയരുമെന്ന തന്റെ വിശ്വാസം പൂർത്തീകരിച്ച സന്തോഷത്തിലാണ് മദ്ധ്യപ്രദേശിലെ രാമഭക്തനായ ഗജാനനൻ. മധ്യപ്രദേശിലെ ബുർഹാൻപൂർ സ്വദേശിയായ ഗജാനനൻ അയോധ്യയിൽ ശ്രീരാമക്ഷേത്രം നിർമ്മിക്കുന്നത് വരെ പാദരക്ഷ ധരിക്കില്ലെന്ന് പ്രതിജ്ഞ എടുത്തിരുന്നു .
ഈ പ്രതിജ്ഞയുമായാണ് കഴിഞ്ഞ 11 വർഷമായി അദ്ദേഹം ജീവിച്ചത് .ശ്രീരാമന്റെ ക്ഷേത്രം പണിതപ്പോൾ അദ്ദേഹം സൈക്കിളിലാണ് ദർശനത്തിന് പോയത്. ഇപ്പോഴിതാ 11 വർഷത്തിന് ശേഷം ഇന്ന് ശ്രാവണ പൂജ നടത്തി അദ്ദേഹം പാദരക്ഷകൾ ധരിക്കാൻ ഒരുങ്ങുകയാണ് .
‘ എനിക്ക് ഒരുപാട് ബുദ്ധിമുട്ടുകൾ നേരിടേണ്ടി വന്നു. പക്ഷേ, എന്റെ പ്രതിജ്ഞ ലംഘിക്കാൻ ഞാൻ അനുവദിച്ചില്ല. ഞാൻ അത് കാത്തു. രാം ലല്ല തീർച്ചയായും അയോദ്ധ്യയിൽ മഹാക്ഷേത്രത്തിൽ ഉപവിഷ്ടനാകുമെന്ന് എനിക്ക് ഉറപ്പുണ്ടായിരുന്നു ‘ നാല്പതുകാരനായ ഗജാനൻ പറയുന്നു.
