കോട്ടയം: ബംഗ്ലദേശില് ഭരണമാറ്റം ഉണ്ടായതിനെത്തുടര്ന്ന് ബംഗ്ലാദേശില് ഹിന്ദുവിഭാഗത്തിന് ജീവിക്കുവാന് സാധിക്കാതെവരുന്ന അവസ്ഥ സംജാതമായത് ലോകമനസാക്ഷിയെത്തന്നെ ഞെട്ടിക്കുന്നതാണെന്ന് യോഗക്ഷേമസഭ പ്രസ്താവനയില് പറഞ്ഞു.
ഹൈന്ദവ മതനേതാക്കളെയും പ്രവര്ത്തകരെയും തെരഞ്ഞുപിടിച്ച് ആക്രമിക്കുകയും അവരെ കൊലചെയ്യുകയും ചെയ്യുന്നതില് യോഗക്ഷേമസഭ ശക്തമായി പ്രതിഷേധിച്ചു. ഹൈന്ദവ ആരാധനാലയങ്ങള് തകര്ക്കപ്പെടുകയും തെരുവുകളില് നിരന്തരം അക്രമങ്ങള് നടക്കുന്നതിലും ഭരണകര്ത്താക്കള് ഒന്നുംതന്നെ ചെയ്യുന്നില്ല. ഇത് തീര്ത്തും അപലപനീയമാണ്. ഇത് അടിയന്തരമായി അവസാനിപ്പിച്ച് ന്യൂനപക്ഷങ്ങള്ക്ക് ജീവിക്കുവാന് സാധ്യമായത് ബംഗ്ലാദേശ് ഭരണകര്ത്താക്കള് ചെയ്യണമെന്ന് യോഗക്ഷേമസഭ ആവശ്യപ്പെട്ടു.
അയല്രാജ്യമെന്ന നിലയില് ബംഗ്ലാദേശില് നടക്കുന്ന ഹൈന്ദവവിരുദ്ധ പ്രവണത അവസാനിപ്പിക്കുവാന് കേന്ദ്ര സര്ക്കാര് അടിയന്തരമായി ഇടപെടണമെന്നും യോഗക്ഷേമസഭ ആവശ്യപ്പെട്ടു.
