തിരുവനന്തപുരം: ശ്രീകാര്യത്തെ വെട്ടുകത്തി ജോയ് കൊലക്കേസില്‍ ആസൂത്രകനും മുഖ്യ പ്രതിയുമായ അന്‍വര്‍ ഹുസൈന്‍ കീഴടങ്ങി. ഫോര്‍ട്ട് പൊലീസ് സ്റ്റേഷനിലാണ് അന്‍വര്‍ കീഴടങ്ങിയത്. ഇയാളെ ശ്രീകാര്യം പൊലീസ് സ്റ്റേഷനിലെത്തിച്ചു.
പ്രധാന പ്രതി സജീറിന്റെ ബന്ധുവാണ് അന്‍വര്‍ ഹുസൈന്‍. ഇയാളാണ് കൊലപാതകത്തിന് ക്വട്ടേഷന്‍ സംഘത്തെ ഏര്‍പ്പാടാക്കിയതെന്ന് പൊലീസ് വെളിപ്പെടുത്തി.
കേസില്‍ നേരത്തെ രാജേഷ്, ഉണ്ണികൃഷ്ണന്‍, വിനോദ്, നന്ദു ലാല്‍, സജീര്‍ എന്നിവര്‍ പിടിയിലായിരുന്നു. അന്‍വര്‍ ഹുസൈനും ജോയിയും തമ്മിലുള്ള മുന്‍ വൈരാഗ്യമാണ് കൊലപാതകത്തിന് കാരണം.
കഴിഞ്ഞ വെള്ളിയാഴ്ചയാണ് ജോയിയെ വെട്ടിപ്പരിക്കേല്‍പ്പിക്കുന്നത്. ശനിയാഴ്ച രാവിലെ ജോയി മരിച്ചു. അറസ്റ്റിലായ രാജേഷും ഉണ്ണിക്കൃഷ്ണനും വിനോദും നന്ദുലാലും ചേര്‍ന്ന് ഓട്ടോ അടിച്ചു തകര്‍ത്താണ് ജോയിയെ വെട്ടുന്നത്.
കൊലക്കേസ് അടക്കം നിരവധി കേസുകളില്‍ പ്രതിയാണ് ജോയ്. കാപ്പ കേസില്‍ ജയില്‍വാസം കഴിഞ്ഞ് ജോയ് പുറത്തിറങ്ങി രണ്ട് ദിവസം കഴിഞ്ഞപ്പോഴാണ് കൊലപാതകം.
പ്രതികരിക്കാൻ ഇവിടെ എഴുതുക: