തിരുവനന്തപുരം: നെഹ്റു ട്രോഫി വളളംകളി ഒഴിവാക്കരുതെന്ന് ആവശ്യപ്പെട്ട് മുഖ്യമന്ത്രിക്ക് നിവേദനം നല്കി നെഹ്റുട്രോഫി ബോട്ട് റെയ്സ് സൊസൈറ്റി. മുണ്ടക്കൈയിലെ ദുരന്തത്തിന്റെ പശ്ചാത്തലത്തില് നെഹ്റു ട്രോഫി വള്ളം കളി ഒഴിവാക്കിയതായി സര്ക്കാര് അറിയിച്ചിരുന്നു. ഈ വര്ഷത്തെ ഓണം ആഘോഷങ്ങളും വള്ളംകളിയുമാണ് സര്ക്കാര് ഒഴിവാക്കിയത്.
വളളംകളി മാറ്റിവെച്ചാല് സൊസൈറ്റിക്ക് വന്നഷ്ടം ഉണ്ടാകുമെന്ന് ഇവര് നിവേദനത്തില് പറയുന്നു. വളളങ്ങള് പരിശീലനത്തിനും മറ്റുമായി പണം ചെലവഴിച്ചു കഴിഞ്ഞു. വളളംകളി മാറ്റിയാല് വളളങ്ങള്ക്ക് ഗ്രാന്റ് നഷ്ടപ്പെടുമെന്നും ചൂണ്ടിക്കാട്ടിയാണ് നിവേദനം നല്കിയിരിക്കുന്നത്.
മുണ്ടക്കൈ ദുരന്തത്തിന്റെ പശ്ചാത്തലത്തില് തൃശൂരില് ഓണത്തോടനുബന്ധിച്ച് നടത്തുന്ന പുലികളിയും കുമ്മാട്ടിക്കളിയും ഡിവിഷന് തല ഓണാഘോഷവും വേണ്ടെന്ന് കോര്പ്പറേഷനും തീരുമാനിച്ചിരുന്നു. എന്നാല് തൃശൂര് കോര്പ്പറേഷന്റെ തീരുമാനം ഏകപക്ഷീയമെന്ന് ആരോപിച്ച് പുലികളി സംഘാടകസമിതി രംഗത്തെത്തിയിരുന്നു.
സമാനതകളില്ലാത്ത ദുരന്തമാണ് വയനാട് അനുഭവിച്ചതെന്നും രക്ഷാപ്രവര്ത്തനവും പുനരധിവാസത്തിന് വേണ്ടിയുള്ള പ്രവര്ത്തനങ്ങളും പുരോഗമിച്ച് കൊണ്ടിരിക്കുകയാണെന്നും ഈ സാഹചര്യത്തിലാണ് ആഘോഷങ്ങള് ഒഴിവാക്കുന്നതെന്ന് മന്ത്രി പി എ മുഹമ്മദ് റിയാസ് വ്യക്തമാക്കിയിരുന്നു.
