തൃശ്ശൂര്: ചേലക്കരയില് ഓട്ടോ ഡ്രൈവറെ സംഘം ചേര്ന്ന് മര്ദ്ദിച്ചതായി പരാതി. വെങ്ങാനല്ലൂര് സ്വദേശി നെല്ലിപ്പറമ്പില് അനീഷിനെയാണ് ആ്ക്രമിച്ചത്. അനീഷിന്റെ ഓട്ടോയും തല്ലി തകര്ത്തു. ഓട്ടം വിളിച്ചതിനെ തുടര്ന്നുള്ള തര്ക്കമാണ് മര്ദനത്തിന് കാരണമെന്നാണ് പരാതി. ഇന്നലെ രാത്രി 9.30ഓടെയാണ് സംഭവം.
ഓട്ടം വിളിച്ച യാത്രക്കാരന്റെ നേതൃത്വത്തില് 15-ലധികം പേര് ചേര്ന്ന് ക്രൂരമായി മര്ദിക്കുകയായിരുന്നുവെന്ന് അനീഷ് പറഞ്ഞു. ആക്രമണത്തില് പരിക്കേറ്റ അനീഷ് ചേലക്കരയിലെ സ്വകാര്യ ആശുപത്രിയില് ചികിത്സ തേടി.
