കണ്ണൂര്‍: തടിക്കടവ് ഗവണ്‍മെന്റ് ഹൈസ്‌കൂളിലെ വിദ്യാര്‍ത്ഥികള്‍ക്കും അദ്ധ്യാപകര്‍ക്കും ഭക്ഷ്യവിഷബാധയേറ്റതായി പരാതി. അദ്ധ്യാപകരും വിദ്യാര്‍ത്ഥികളുമുള്‍പ്പെടെ നൂറോളം പേര്‍ക്ക് ഭക്ഷ്യവിഷബാധ ഏറ്റതായാാണ് സംശയം. ഇന്നലെ രാത്രിയോടെയാണ് അധ്യാപകര്‍ക്കും കുട്ടികള്‍ക്കും ഛര്‍ദ്ദിയും വയറുവേദനയും അനുഭവപ്പെട്ടത്. കഴിഞ്ഞ ദിവസം ഉച്ചഭക്ഷണത്തോടൊപ്പം നല്‍കിയ ചിക്കന്‍ കറിയില്‍ നിന്നും ഭക്ഷ്യവിഷബാധയേറ്റതായാണ് പരാതി. ഭക്ഷണം കഴിച്ചതിന് പിന്നാലെയാണ് വയറുവേദനയും പിന്നാലെ ഛര്‍ദ്ദിയും ഉണ്ടായതെന്നാണ് വിവരം.
ചിക്കന്‍ കറിയില്‍ നിന്നുമാണ് ഭക്ഷ്യവിഷബാധ ഉണ്ടായതെന്നാണ് പ്രാഥമിക നിഗമനം. വിദ്യാര്‍ത്ഥികളും അധ്യാപകരുമടക്കം ഏകദേശം 700 ഓളം പേരാണ് ഇന്നലെ സ്‌കൂളില്‍ നിന്നും ഉച്ച ഭക്ഷണം കഴിച്ചത്. ഇവരില്‍ നൂറോളം പേര്‍ക്കാണ് രാത്രിയോടെ ഛര്‍ദ്ദിയും വയറുവേദനയും അനുഭവപ്പെട്ടത്. ശാരീരിക അസ്വസ്ഥതകള്‍ അനുഭവപ്പെട്ടവരെല്ലാം ഉടന്‍ തന്നെ കരുവഞ്ചാലിലെ സ്വകാര്യ ആശുപത്രികളിലും മറ്റുമായി ചികിത്സ തേടി.
പ്രതികരിക്കാൻ ഇവിടെ എഴുതുക: