വയനാട്: ഉരുള്പ്പൊട്ടലില് കാണാതായവര്ക്കായുള്ള തിരച്ചില് 13-ാം ദിവസത്തിലും തുടരുന്നു. ഇന്ന് നടത്തിയ തിരച്ചിലില് ചാലിയാറിന്റെ തീരത്ത് നിന്ന് 2 ശരീര ഭാഗങ്ങള് കൂടി കണ്ടെത്തി. മുണ്ടേരി ഇരുട്ടുകുത്തിയില് നിന്നും ചാലിയാര് കൊട്ടുപാറ കടവില് നിന്നുമാണ് രണ്ട് ശരീരഭാഗങ്ങള് കൂടി കണ്ടെത്തിയത്.
സൂചിപ്പാറ മേഖലയിലുള്പ്പെടെ ഇന്നും തെരച്ചില് തുടരുകയാണ്. ഏഴ് സംഘങ്ങളായാണ് കലക്കന് പുഴ മുതല് സൂചിപ്പാറ മൂന്നാം വെള്ളച്ചാട്ടം വരെ തെരച്ചില് നടത്തുന്നത്. ഫയര്ഫോഴ്സ്, എന്ഡിആര്എഫ്, ഫോറസ്റ്റ്, സന്നദ്ധപ്രവര്ത്തകര് ഉള്പ്പെടെയുള്ളവര് വിവിധയിടങ്ങളിലെ തെരച്ചിലില് പങ്കെടുക്കുന്നുണ്ട്.
