ഇസ്രായേൽ മിലിട്ടറി ഇൻ്റലിജൻസിന്റെ രഹസ്യനീക്കം : ഹമാസ് നേതാവ് കമാൻഡർ വാലിദ് അൽ സൂസിയെ വധിച്ച് ഇസ്രായേൽ

ഗാസ : ഹമാസ് നേതാവ് കമാൻഡർ വാലിദ് അൽ സൂസിയെ വധിച്ചതായി ഇസ്രായേൽ . ഗാസയിൽ വച്ച് അൽ സൂസിയെ വധിച്ചതായാണ് ഐ ഡി എഫ് പ്രസ്താവനയിൽ പറയുന്നത്.

ദക്ഷിണ ഗാസ മുനമ്പിലെ ഹമാസിന്റെ ജനറൽ സെക്യൂരിറ്റി അപ്പാരറ്റസിന്റെ തലവനായിരുന്നു അൽസൂസി. ഹമാസിന്റെ ഇൻ്റലിജൻസ് വിംഗ് കൈകാര്യം ചെയ്തതും, ഇസ്രായേലിനെതിരായ നീക്കങ്ങൾ ആസൂത്രണം ചെയ്തതും അൽ സൂസിയാണെന്നാണ് സൂചന . ഇസ്രായേൽ എയർഫോഴ്‌സ് ജെറ്റുകളും ഇസ്രായേൽ മിലിട്ടറി ഇൻ്റലിജൻസ് ഡയറക്ടറേറ്റും ചേർന്ന് നടത്തിയ രഹസ്യ നീക്കത്തിലാണ് അൽ സൂസിയെ വധിച്ചത്.

അതേസമയം പാരാട്രൂപ്പർ ബ്രിഗേഡ് കോംബാറ്റ് ടീമുകൾ തെക്കൻ ഗാസയിൽ റെയ്ഡുകൾ നടത്തുന്നുണ്ട്.പിടികൂടപ്പെട്ട ഭീകരരെ കൊല്ലുകയും ഒളിത്താവളങ്ങൾ നശിപ്പിക്കുകയും ചെയ്തു.