കോഴിക്കോട്: വിലങ്ങാട് ഉണ്ടായ ഉരുള്പൊട്ടലിന് നൂറില് കൂടുതല് പ്രഭവ കേന്ദ്രങ്ങളുണ്ടെന്ന് കണ്ടെത്തല്. ഡ്രോണ് പരിശോധനയിലാണ് ഉരുള്പൊട്ടലിന്റെ വ്യാപ്തി തിരിച്ചറിഞ്ഞത്. ഉരുള്പ്പൊട്ടലുണ്ടായ മേഖലയില് ശാസ്ത്രീയ പരിശോധന നടത്താന് വിദഗ്ധ സംഘം നാളെ സ്ഥലത്ത് എത്തും.
മന്ത്രി മുഹമ്മദ് റിയാസിന്റെ നേതൃത്വത്തില് നടത്തിയ അവലോകന യോഗത്തിലാണ് ഉരുള്പൊട്ടലിന്റെ വ്യാപ്തി വെളിവാക്കുന്ന റിപ്പോര്ട്ട് അവതരിപ്പിച്ചത്. അടിച്ചിപ്പാറ, മഞ്ഞച്ചീളി, മഞ്ഞക്കുന്ന്, പാനോം ഭാഗങ്ങളിലാണ് സര്വേ പൂര്ത്തിയായത്.
ബാക്കി സ്ഥലങ്ങളില് തിങ്കളാഴ്ച സര്വേ തുടരും. ദുരന്തത്തെക്കുറിച്ച് സമഗ്രമായി പഠിക്കാന് ജിയോളജിസ്റ്റ്, ഹൈഡ്രോളജിസ്റ്റ്, സോയില് കണ്സര്വേഷനിസ്റ്റ്, ഹസാര്ഡ് അനലിസ്റ്റ് എന്നിവരടങ്ങുന്ന നാലംഗ വിദഗ്ധസംഘം സംഘം നാളെ വിലങ്ങാട് എത്തും. ഉരുള് പൊട്ടല് സാധ്യതാ മേഖലകള് സംഘം കണ്ടെത്തും.
ഈ റിപ്പോര്ട്ട് ലഭിച്ച ശേഷമാകും ഇവിടെ തുടര്ന്ന് താമസം സാധ്യമാവുമോയെന്ന കാര്യത്തില് തീരുമാനമെടുക്കുക. പുനരധിവാസം സംബന്ധിച്ച റിപ്പോര്ട്ടും ഇതനുസരിച്ചാണ് തയാറാക്കുക. വീടുകള് തകര്ന്നതിന്റെ കണക്ക് ഈ മാസം പതിനേഴിനകം സമര്പ്പിക്കാന് കളക്ടര്ക്ക് നിര്ദേശം നല്കി. പൂര്ണമായി തകര്ന്ന 15 വീടുകള് ഉള്പ്പടെ 112 വീടുകള് തകര്ന്നെന്നാണ് പ്രഥമിക കണക്ക്. 162 ഹെക്ടറില് കൃഷി നാശമുണ്ടായി. 225 കര്ഷകരെ ഉരുള് പൊട്ടല് ബാധിച്ചതായാണ് പ്രാഥമിക റിപ്പോര്ട്ട്..
