പാരീസ്: ഒളിംപിക്സ് അത്ലറ്റിക്സിന്റെ വനിതാ 400 മീറ്റര്‍ ഹര്‍ഡില്‍സില്‍ ലോക റിക്കോര്‍ഡ്. അമേരിക്കയുടെ സിഡ്നി മക്ലോഗ്ലിന്‍ ലെവ്റോണാണ് 50.37 സെക്കന്‍ഡില്‍ പറന്നെത്തി ലോക റിക്കോര്‍ഡോടെ സ്വര്‍ണം നേടിയത്. തന്റെ തന്നെ പേരിലുള്ള ലോക-ഒളിംപിക്സ് റിക്കോര്‍ഡുകള്‍ തകര്‍ത്താണ് താരത്തിന്റെ സ്വപ്നതുല്യ ഫിനിഷ്. കഴിഞ്ഞ ജൂണില്‍ സ്ഥാപിച്ച 50.65 സെക്കന്‍ഡിന്റെ റിക്കോര്‍ഡാണ് സ്ഡിനി ലെവ്റോണ്‍ തിരുത്തിയത്. കഴിഞ്ഞ ടോക്കിയോ ഒളിംപിക്സിലും താരം ലോക-ഒളിംപിക്സ് റിക്കോര്‍ഡോടെ പൊന്നണിഞ്ഞിരുന്നു. അന്നും താന്‍ തന്നെ സ്ഥാപിച്ച ലോക റിക്കോര്‍ഡാണ് താരം തിരുത്തിയത്.
ഈയിനത്തില്‍ വെള്ളിയും അമേരിക്കന്‍ താരത്തിനാണ്. അവരുടെ അന്ന കോക്റെല്‍ തന്റെ മികച്ച സമയമായ 51.87 സെക്കന്‍ഡില്‍ വെള്ളി നേടി. നെതര്‍ലന്‍ഡ്സിന്റെ ഫെംകെ ബോല്‍ 52.15 സെക്കന്‍ഡില്‍ വെങ്കലവും സ്വന്തമാക്കി.
പ്രതികരിക്കാൻ ഇവിടെ എഴുതുക