വയനാട് : പ്രധാനമന്ത്രിയുടെ വയനാട് സന്ദര്ശനത്തിന്റെ പശ്ചാത്തലത്തില് താമരശേരി ചുരത്തില് ശനിയാഴ്ച ഗതാഗത നിയന്ത്രണം. രാവിലെ 7 മണി മുതല് വൈകിട്ട് മൂന്ന് മണി വരെ താമരശേരി ചുരം വഴി സഞ്ചരിക്കുന്ന വാഹനങ്ങള്ക്കാണ് നിയന്ത്രണം ഏര്പ്പെടുത്തിയത്.
ഭാര വാഹനങ്ങള്, മള്ട്ടി ആക്സില് ലോഡഡ് വെഹിക്കിള്സ് തുടങ്ങി മറ്റു ചരക്കു വാഹനങ്ങള് എന്നിവ കടത്തിവിടില്ല. താമരശേരിക്കും അടിവാരത്തിനും ഇടയില് സൗകര്യപ്രദമായ സ്ഥലങ്ങളില് ഇത്തരം വാഹനങ്ങള് തടയും.
ശനിയാഴ്ച രാവിലെ 11 മണിക്ക് കണ്ണൂര് വിമാനത്താവളത്തില് എത്തുന്ന പ്രധാനമന്ത്രി ഹെലികോപ്റ്ററിലായിരിക്കും ദുരന്തമേഖലയില് ആകാശ നിരീക്ഷണം നടത്തുക. 12.15 ന് ദുരന്ത മേഖലയിലെത്തുമെന്നാണ് അറിയുന്നത്.
തുടര്ന്ന് ദുരിതാശ്വാസ ക്യാമ്പുകള് സന്ദര്ശിച്ച് ദുരിതബാധിതരുമായി സംസാരിക്കും. പിന്നാലെ പുനരധിവാസം സംബന്ധിച്ച യോഗത്തില് പ്രധാനമന്ത്രി പങ്കെടുക്കും.
