ഇടുക്കി: മുല്ലപ്പെരിയാറില്‍ പുതിയ അണക്കെട്ട് നിര്‍മ്മിക്കുക,സര്‍ക്കാര്‍ അലസത വെടിയുക തുടങ്ങിയ ആവശ്യങ്ങള്‍ ഉന്നയിച്ച് സംയുക്ത സമരസമിതിയുടെ നേതൃത്വത്തില്‍ ഉപ്പുതറയില്‍ പ്രകടനവും യോഗവും നടത്തി. വിവിധ സംഘടനകളെ ഏകോപിപ്പിച്ച് പെരിയാര്‍വാലി പ്രൊട്ടക്ഷന്‍ മൂവ്‌മെന്റ് നടത്തിയ പ്രകടനം ചെയര്‍മാന്‍ സ്റ്റീഫന്‍ ഐസക്ക് അധ്യക്ഷത വഹിച്ചു. വയനാട് ദുരന്തത്തിന്റെ പശ്ചാത്തലത്തില്‍ മുല്ലപ്പെരിയാര്‍ ഡാമിന്റെ സുരക്ഷ കേന്ദ്ര വിദഗ്ധ സംഘം ഉടന്‍ പരിശോധിക്കണമെന്നും പുതിയ ഡാം നിര്‍മ്മിക്കണമെന്നും അതുവഴി പ്രദേശവാസികളുടെ ആശങ്ക പരിഹരിക്കണമെന്നും ഹാരിസ് ബീരാന്‍ എംപി രാജ്യസഭയില്‍ ആവശ്യപ്പെട്ടു. തുടര്‍ച്ചയായി സംഭവിക്കുന്ന മേഘവിസ്‌ഫോടനവും കാലവര്‍ഷക്കെടുതിയും കണക്കിലെടുക്കുമ്പോള്‍ പഴക്കമുള്ള ഡാമുകളെ കുറിച്ചുള്ള വിദഗ്ധ പരിശോധന അനിവാര്യമാണെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: