പാരീസ്: ഒളിംപിക്സ് പുരുഷ ഹോക്കിയില് ഭാരതം ഇന്ന് സെമി മത്സരത്തിന്. രാത്രി പത്തരയ്ക്ക് നടക്കുന്ന മത്സരത്തില് ജര്മനി ആണ് ഭാരതത്തിന്റെ എതിരാളി. ക്വാര്ട്ടറില് ബ്രിട്ടനെ തോല്പ്പിച്ചാണ് ഭാരതം സെമിയിലേക്ക് മുന്നേറിയത്.
നിശ്ചിത സമയ മത്സരം 1-1 സമനിലയില് തോല്പ്പിച്ചതിനെ തുടര്ന്ന് ഷൂട്ടൗട്ടില് 4-2നാണ് ബ്രിട്ടനെ പരാജയപ്പെടുത്തിയത്.
ക്വാര്ട്ടറില് അര്ജന്റീനയെ തോല്പ്പിച്ചാണ് ജര്മനി സെമിയിലേക്ക് മുന്നേറിയത്. കഴിഞ്ഞ ഒളിംപിക്സില് വെങ്കലപ്പോരില് ജര്മനിയെ തോല്പ്പിച്ചാണ് ഭാരത ഹോക്കി ടീം 41 വര്ഷത്തെ മെഡല് ദാഹം തീര്ത്തത്. ഇന്ന് ജയിക്കാനായാല് ഭാരതം ഫൈനലിലെത്തും. വെള്ളി മെഡല് ഉറപ്പിക്കാനും സാധിക്കും. ഫൈനലില് ജയിച്ചാല് സ്വര്ണനേട്ടമാകും.
