ലക്നൗ : അയോദ്ധ്യ രാമക്ഷേത്രത്തിലെ രണ്ടാം ഘട്ട നിർമ്മാണം 2025 ഏപ്രിലിലോടെ പൂർത്തിയാക്കാനാണ് ലക്ഷ്യമിടുന്നതെന്ന് രാം മന്ദിർ ട്രസ്റ്റ് അംഗം ഡോ. അനിൽ മിശ്ര . നിർമ്മാണം വേഗത്തിലാക്കാനുള്ള ശ്രമങ്ങൾ ആരംഭിച്ചു. 200 തൊഴിലാളികളെ കൂടി നിയോഗിച്ചിട്ടുണ്ട്. ക്ഷേത്രത്തിന്റെ ഒന്നാം നിലയുടെയും കൊത്തളത്തിന്റെയും നിർമ്മാണത്തിന്റെ ചിത്രങ്ങൾ രാം മന്ദിർ ട്രസ്റ്റ് സോഷ്യൽ മീഡിയയിൽ പോസ്റ്റ് ചെയ്തിട്ടുണ്ട്.
പാർക്കോട്ടയുടെയും രാമക്ഷേത്ര സമുച്ചയത്തിലെ 6 ക്ഷേത്രങ്ങളുടെയും നിർമ്മാണം അതിവേഗം നടക്കുന്നു. ഒന്നാം നിലയുടെ നിർമാണം പൂർത്തിയാകുന്നതോടെ ക്ഷേത്രത്തിന്റെ കൊടിമരത്തിന്റെ നിർമാണം ആരംഭിക്കും. ചുറ്റുമതിലുകളുടെയും കൊടിമരത്തിന്റെയും നിർമാണം ഏറ്റവും വെല്ലുവിളി നിറഞ്ഞതാണെന്നും അദ്ദേഹം പറഞ്ഞു. ഇത് ഈ വർഷം ഡിസംബറോടെ പൂർത്തിയാക്കാനാണ് ലക്ഷ്യമിടുന്നത്. ഈ സാഹചര്യത്തിലാണ് നിർമാണം വേഗത്തിലാക്കിയത്. തൊഴിലാളികളുടെ എണ്ണം കൂട്ടാൻ എൽ ആൻഡ് ടി കമ്പനിക്ക് നിർദേശം നൽകിയിട്ടുണ്ട്.
മൂന്ന് ഘട്ടങ്ങളിലായാണ് രാമക്ഷേത്ര നിർമാണം പൂർത്തീകരിക്കേണ്ടത്. മൂന്നാം ഘട്ട നിർമ്മാണം 2025 ഡിസംബറോടെ പൂർത്തിയാകും. നിലവിൽ ആറ് ക്ഷേത്രങ്ങളുടെ നിർമ്മാണ പ്രവർത്തനങ്ങൾ നടക്കുന്നുണ്ട് . മാതാ അന്നപൂർണ , സൂര്യൻ, മഹാദേവൻ , ഗണപതി, ഹനുമാൻ എന്നിവരുടെ ക്ഷേത്രങ്ങളുടെ നിർമ്മാണമാണ് ഇപ്പോൾ നടക്കുന്നത്. രാമക്ഷേത്രത്തിന്റെ അകത്തളത്തിൽ രാമായണ രംഗങ്ങൾ കൊത്തിവയ്ക്കും.
8000 ക്യുബിക് അടി കല്ലുകളാണ് രാമക്ഷേത്രത്തിന്റെ കൊത്തള നിർമാണത്തിന് ഉപയോഗിക്കേണ്ടത്. ഇതിനായി രാജസ്ഥാനിലെ വന്ഷിപഹർപൂരിൽ നിന്ന് കല്ലുകൾ കൊണ്ടുവരുന്നുണ്ട്. മാർച്ചിൽ നാലായിരം ഘനയടി കല്ലുകൾ കൊണ്ടുവന്നു. അന്നുമുതൽ കല്ലുകൾ കൊണ്ടുവരുന്ന നടപടി തുടർച്ചയായി നടന്നുവരികയാണ്.
രാമക്ഷേത്രത്തിൽ 800 മീറ്റർ നീളമുള്ള മതിലാണ് നിർമിക്കുന്നത്. 2025 മാർച്ചോടെ മതിൽ നിർമാണം പൂർത്തിയാക്കും . 200 കരകൗശലത്തൊഴിലാളികളാണ് ഇതിനായി ജോലി ചെയ്യുന്നത്. എല്ലാ മാനദണ്ഡങ്ങളും പാലിച്ചാണ് ഇത് നിർമിക്കുന്നത് . മതിൽ നിർമാണത്തിനായി 166 തൂണുകളാണ് നിർമിക്കേണ്ടത്. ഈ തൂണുകളിലെല്ലാം ദേവന്മാരുടെയും ദേവതകളുടെയും യക്ഷ-യക്ഷിണികളുടെയും ചിത്രങ്ങൾ കൊത്തിവയ്ക്കും. ഈ ജോലി തുടർച്ചയായി നടക്കുന്നുണ്ട്. പകുതിയിലധികം തൂണുകളിൽ ഇത് പൂർത്തിയായിട്ടുണ്ട്.സമയബന്ധിതമായി നിർമാണം പൂർത്തിയാക്കാൻ തങ്ങളെല്ലാം പ്രതിജ്ഞാബദ്ധരാണെന്ന് എൽ ആൻഡ് ടി ഡയറക്ടർ വി കെ മേത്ത വ്യക്തമാക്കി.
