ദിസ് പൂര്: ലവ് ജിഹാദ് നടത്തി ഹിന്ദു പെണ്കുട്ടികളെ വശീകരിച്ച് വിവാഹം കഴിക്കാന് ശ്രമിക്കുന്നവര്ക്ക് ജീവപര്യന്തം തടവ് ശിക്ഷ നല്കുന്നതിനെക്കുറിച്ച് ആലോചിക്കുന്നതായി അസം മുഖ്യമന്ത്രി ഹിമന്ത ബിശ്വ ശര്മ്മ.
ലവ് ജിഹാദിനെക്കുറിച്ച് ഞങ്ങള് തെരഞ്ഞെടുപ്പ് കാലത്ത് സംസാരിച്ചിരുന്നു. ഇനിയിപ്പോള് അത്തരം കുറ്റകൃത്യങ്ങളില് ഏര്പ്പെടുന്നവര്ക്ക് ജീവപര്യന്തം തടവ് ശിക്ഷ നല്കുന്നതിനെക്കുറിച്ച് ആലോചിക്കുകയാണെന്നും ഹിമന്ത ശര്മ്മ പറഞ്ഞു.
ഇനി മുതല് അസമിലെ സര്ക്കാര് ജോലി അസം പൗരന്മാര്ക്ക് മാത്രമേ നല്കൂ എന്ന രീതിയില് ഒരു നിയമം കൊണ്ടുവരുന്നതിനെക്കുറിച്ച് ആലോചിക്കുന്നുണ്ട്. തെരഞ്ഞെടുപ്പ് കാലത്ത് നല്കിയ വാഗ്ദാനം നിറവേറ്റുന്നതിന്റെ ഭാഗമായി തദ്ദേശീയരായ ഗോത്രവര്ഗ്ഗത്തിലുള്ളവര്ക്ക് ഒരു ലക്ഷം സര്ക്കാര് ജോലി നല്കുമെന്നും ബിജെപി പ്രവര്ത്തകരുടെ യോഗത്തില് ഹിമന്ത ശര്മ്മ പറഞ്ഞു.
