ന്യൂദല്‍ഹി: വയനാട് എംപിയെന്ന നിലയ്‌ക്ക് വയനാടിന് വേണ്ടി ഒന്നും ചെയ്യാത്ത രാഹുല്‍ ഇപ്പോള്‍ മുതലക്കണ്ണീര്‍ ഒഴുക്കുന്നത് നിര്‍ത്തണമെന്ന് ബിജെപി ഐടി സെല്‍ മേധാവി അമിത് മാളവ്യ. ഉരുള്‍പൊട്ടലില്‍ നിന്ന് ജനങ്ങളെ രക്ഷിക്കാന്‍ രാഹുല്‍ ഒന്നും ചെയ്തില്ല. ഒരു ഘട്ടത്തില്‍ പോലും ഈ വിഷയം പാര്‍ലമെന്റില്‍ ഉന്നയിച്ചില്ല.
വയനാട്ടിലെ മരണങ്ങള്‍ക്കും നാശനഷ്ടങ്ങള്‍ക്കും രാഹുലും കോണ്‍ഗ്രസുമാണ് ഉത്തരവാദികള്‍. അനിയന്ത്രിതമായ പാരിസ്ഥിതിക ചൂഷണം മൂലം വലിയ മണ്ണിടിച്ചില്‍ ഉണ്ടാകാനുള്ള സാധ്യതയുണ്ടെന്ന് മുന്നറിയിപ്പ് നല്‍കിയ ഗാഡ്ഗില്‍, കസ്തൂരിരംഗന്‍ കമ്മിറ്റി റിപ്പോര്‍ട്ടുകള്‍ അന്ന് കേന്ദ്രവും സംസ്ഥാനവും ഭരിച്ച കോണ്‍ഗ്രസ് സര്‍ക്കാരുകള്‍ തള്ളുകയായിരുന്നു. ഗാഡ്ഗില്‍ റിപ്പോര്‍ട്ട് കുഴിച്ചുമൂടിയത് യുപിഎ സര്‍ക്കാരാണ്. ഇപ്പോള്‍ മുതലക്കണ്ണീര്‍ ഒഴുക്കിയതുകൊണ്ട് മരിച്ചവരുടെ കുടുംബങ്ങള്‍ക്കും വീട് നഷ്ടപ്പെട്ടവര്‍ക്കും സഹായമാവില്ല. ദുരന്തത്തിന്റെ ഉത്തരവാദിത്വം ഏറ്റെടുക്കാന്‍ രാഹുല്‍ തയ്യാറാകണം. അമിത് മാളവ്യ എക്സില്‍ കുറിച്ചു.
പ്രതികരിക്കാൻ ഇവിടെ എഴുതുക: