വയനാട്: ദുരന്ത ഭൂമിയിൽ നിന്നും അതിസാഹസികമായി കൈകുഞ്ഞിനെ രക്ഷിച്ച് എൻഡിആർഎഫ്. ഇതിന്റെ ദൃശ്യങ്ങൾ സമൂഹമാദ്ധ്യമങ്ങളിൽ ഇതിനോടകം തന്നെ വൈറലായി കഴിഞ്ഞു. സൈന്യത്തിനൊപ്പമായരുന്നു എൻഡിആർഎഫിന്റെ സാഹസിക രക്ഷാദൗത്യം.
റോപ്പിൽ തൂങ്ങി കുഞ്ഞിനെ ബേബി ബാസ്കറ്റിൽ ആക്കിയ ശേഷം മാറോടണച്ചാണ് ഉദ്യോഗസ്ഥൻ മറുകരയിൽ എത്തിയത്. പിന്നാലെ കുഞ്ഞിനെ ആരോഗ്യപ്രവർത്തകർക്ക് കൈമാറി. കുഞ്ഞിനെ രക്ഷപ്പെടുത്തുന്നതിനായി സ്വന്തം ജീവൻ പണയം വച്ച് പ്രവർത്തിച്ച എൻഡിആർഎഫ് ഉദ്യോഗസ്ഥൻ ചന്ദ്രസിംഗ് ധാനുവിനെ തേടി നിരവധി പ്രശംസകളാണ് എത്തുന്നത്.
