ആലപ്പുഴ: നവജാത ശിശുവിനെ കൊലപ്പെടുത്തിയ കേസില്‍ അമ്മയെ ജീവപര്യന്തം കഠിന തടവിന് ശിക്ഷിച്ചു. നൂറനാട് ഇടപ്പോണ്‍ കരിയ്‌ക്കല്‍ വടക്കേതില്‍ അഞ്ജന(28)യെയാണ് ആലപ്പുഴ അഡീഷണല്‍ സെഷന്‍സ് ഒന്ന് കോടതി ജഡ്ജി റോയ് വര്‍ഗീസ് ശിക്ഷിച്ചത്. 2018 ഒക്ടോബര്‍ 14നാണ് സംഭവം.
ഭര്‍ത്താവുമായി വേര്‍പിരിഞ്ഞു കഴിഞ്ഞിരുന്ന അഞ്ജന മറ്റൊരാളുമായി അടുപ്പത്തിലാകുകയും ഗര്‍ഭിണിയാകുകയുമായിരുന്നു. കത്തിവെച്ച് സ്വയം പൊക്കിള്‍ക്കൊടി മുറിച്ച് പെണ്‍കുഞ്ഞിനെ ശ്വാസം മുട്ടിച്ച് കൊന്നു എന്നായിരുന്നു പ്രോസിക്യൂഷന് കേസ്. അഞ്ജന പിന്നീട് അടുപ്പമുള്ളയാളെ വിവാഹം ചെയ്തു. പ്രോസിക്യൂഷന് വേണ്ടി അഡീഷണല്‍ പബഌക് പ്രോസിക്യൂട്ടര്‍ അംബികകൃഷ്ണന്‍, അഡ്വ. ഹരികൃഷ്ണന്‍ ടി. പ്രസാദ് എന്നിവര്‍ ഹാജരായി നൂറനാട് എസ്എച്ച്ഒ ബിജു. വി ആണ് കുറ്റപത്രം സമര്‍പ്പിച്ചത്.
പ്രതികരിക്കാൻ ഇവിടെ എഴുതുക: