അനായാസം അല്‍കാരസും ദ്യോക്കോവും

പാരിസ്: ഒളിംപിക്‌സ് മെഡല്‍ ലക്ഷ്യമിട്ട് ആദ്യമായിറങ്ങിയ സ്പാനിഷ് ടെന്നിസ് പുരുഷ സിംഗിള്‍സ് താരം കാര്‍ലോസ് അല്‍കാരസിന് ആദ്യറൗണ്ട് മത്സരത്തില്‍ തകര്‍പ്പന്‍ ജയം.

ലെബനന്‍ താരം ഹാഡി ഹബീബിനെയാണ് താരം നേരിട്ടുള്ള സെറ്റുകള്‍ക്ക് തകര്‍ത്തത്. സ്‌കോര്‍ 6-3, 6-1നായിരുന്നു അല്‍കാരസിന്റെ വിജയം. പുരുഷ സിംഗിള്‍സിലെ മറ്റൊരു വമ്പന്‍ താരം സെര്‍ബിയയുടെ നോവാക് ദ്യോക്കോവിച്ചും ആദ്യ റൗണ്ട് മത്സരത്തില്‍ ഗംഭീര വിജയം നേടി. ഓസ്‌ട്രേലിയയുടെ മാത്യു എബ്‌ഡെനെ ആണ് താരം തോല്‍പ്പിച്ചത്. സ്‌കോര്‍ 6-0, 6-1