ഭോപാല്‍: മധ്യപ്രദേശിലെ മുതിര്‍ന്ന ബിജെപി നേതാവ് പ്രഭാത് ഝാ(67) അന്തരിച്ചു. ദല്‍ഹിയിലെ ആശുപത്രിയില്‍ ചികിത്സയില്‍ കഴിയവേയാണ് മരണം.
ബിഹാര്‍ സീതാമര്‍ഹി സ്വദേശിയായിരുന്ന ഝാ ബിജെപി മധ്യപ്രദേശ് ഘടകത്തിലെ നേതാക്കളില്‍ ശക്തനാണ്. രണ്ട് തവണ മധ്യപ്രദേശില്‍ നിന്ന് രാജ്യസഭാ എംപിയായിട്ടുണ്ട്. 2010ല്‍ സംസ്ഥാന ബിജെപി അധ്യക്ഷനായി.
ഝായുടെ വിയോഗത്തില്‍ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി. സംഘടനയെ ശക്തിപ്പെടുത്തുന്നതില്‍ പ്രഭാത് ഝാ വഹിച്ച പങ്ക് വളരെ വലുതായിരുന്നു. അദ്ദേഹത്തിന്റെ പ്രവര്‍ത്തന ശൈലി വളരെ അടുത്തുനിന്ന് കണ്ടിട്ടുണ്ട്. അദ്ദേഹത്തിന്റെ കുടുംബാംഗങ്ങളെ അനുശോചനം അറിയിക്കുന്നതായും മോദി എക്‌സില്‍ കുറിച്ചു.
ആഭ്യന്തരമന്ത്രി അമിത് ഷാ, ആരോഗ്യമന്ത്രിയും ബിജെപി ദേശീയ അധ്യക്ഷനുമായ ജെ.പി. നഡ്ഡ, മധ്യപ്രദേശ് മുഖ്യമന്ത്രി മോഹന്‍ യാദവ് എന്നിവരും അനുശോചനം രേഖപ്പെടുത്തി.
പ്രതികരിക്കാൻ ഇവിടെ എഴുതുക: