കോഴിക്കോട് : ഓണ്‍ലൈന്‍ തട്ടിപ്പ് വീണ്ടും.ഡേറ്റിംഗ് ആപ്പിലൂടെ പരിചയപ്പെട്ട യുവതി, യുവാവില്‍ നിന്ന് ലക്ഷങ്ങള്‍ തട്ടിയെടുത്തു.
കോഴിക്കോട് ചെലവൂര്‍ സ്വദേശിയായ യുവാവാണ് കബളിപ്പിക്കപ്പെട്ടത്. കഴിഞ്ഞ മേയ് മാസത്തിലാണ് ഡേറ്റിംഗ് ആപ്പിലൂടെ യുവതിയും യുവാവും പരിചയപ്പെടുന്നത്.
തുടര്‍ന്ന് ട്രേഡിംഗ് വഴിയുള്ള സാമ്പത്തിക ലാഭത്തെക്കുറിച്ച് യുവാവിനെ യുവതി വിശ്വസിപ്പിച്ചു. പിന്നാലെ പരാതിക്കാരന്റെയും ഭാര്യയുടെയും അക്കൗണ്ടുകളില്‍ നിന്ന് പ്രതി പണം തട്ടി. 73 ലക്ഷം രൂപ നഷ്ടമായതായാണ് യുവാവ് പരാതി നല്‍കിയത്. കേസെടുത്ത സിറ്റി സൈബര്‍ ക്രൈം പൊലീസ്, അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: