തിരുവനന്തപുരം: ഐഎന്‍ടിയുസി ഏരൂര്‍ മണ്ഡലം വൈസ് പ്രസിഡന്റായിരുന്ന രാമഭദ്രനെ കൊലപ്പെടുത്തിയ കേസിലെ 18 പ്രതികളില്‍ 14 പേര്‍ കുറ്റക്കാരെന്ന് തിരുവനന്തപുരം സിബിഐ കോടതി കണ്ടെത്തി.നാല് പേരെ വെറുതെ വിട്ടു.കൊലപാതകം , ഗൂഡാലോചന , ആയുധം കൈവശം വയ്‌ക്കുക എന്നി കുറ്റങ്ങളാണ് തെളിഞ്ഞത്.
പ്രതികളെല്ലാം സി പി എം പ്രവര്‍ത്തകരാണ്.2010 ഏപ്രില്‍ 10 നാണ് വീട്ടില്‍ കയറി രാമഭദ്രനെ വെട്ടികൊലപ്പെടുത്തിയത്. ഈ മാസം 30 ന് ശിക്ഷ വിധിക്കും.19 പ്രതികളുണ്ടായിരുന്ന കേസില്‍ ഒരു പ്രതി മരിച്ചിരുന്നു.
2010 ഏപ്രില്‍ 10നാണ് വീട്ടിനുള്ളില്‍ കയറി രാഭഭദ്രനെ സിപിഎം പ്രവര്‍ത്തകര്‍ വെട്ടികൊലപ്പെടുത്തിയത്. രാഷ്‌ട്രീയ വൈരാഗ്യമായിരുന്നു കൊലപാതകത്തിന് പിന്നില്‍. മക്കള്‍ക്കൊപ്പം ആഹാരം കഴിച്ചുകൊണ്ടിരിക്കവെയാണ് രാമഭദ്രനെയാണ് വെട്ടികൊലപ്പെടുത്തിയത്. ആദ്യം ലോക്കല്‍ പൊലിസും പിന്നീട് ക്രൈം ബ്രാഞ്ചും കേസന്വേഷിച്ചു. രാമഭദ്രന്റെ ഭാര്യ ഹൈക്കോടതിയെ സമീപിച്ചതോടെയാണ് അന്വേഷണം സിബിഐക്ക് കൈമാറിയത്.
19 പ്രതികള്‍ക്കെതിരെ സിബിഐ കുറ്റപത്രം സമര്‍പ്പിച്ചതില്‍ ഒരു പ്രതി മരിച്ചു. കൊലപാതകത്തില്‍ നേരിട്ട് പങ്കാളിയായവര്‍ക്ക് പുറമേ ഗൂഡാലോചന, പ്രതികളെ രക്ഷിക്കാന്‍ ശ്രമിച്ചു എന്നീ കുറ്റങ്ങള്‍ക്കാണ് സിപിഎം നേതാക്കളെ പ്രതികളാക്കിയത്. കൊല്ലം ജില്ലാ സെക്രട്ടറിയേറ്റ് അംഗമായ ജയമോഹന്‍, അഞ്ചല്‍ മുന്‍ ഏര്യാ സെക്രട്ടറി പി.എസ്.സുമന്‍, ജില്ലാ കമ്മിറ്റി അംഗം ബാബു പണിക്കര്‍ എന്നിവര്‍ പ്രതികളാണ്. മുന്‍ മന്ത്രി മേഴ്‌സികുട്ടി അമ്മയുടെ പേഴ്‌സണല്‍ സ്റ്റഫ് അംഗമായ മാര്‍ക്‌സണും പ്രതിയാണ്.
സിബിഐ തിരുവനന്തപുരം യൂണിറ്റാണ് കേസ് അന്വേഷിച്ചത്.
പ്രതികരിക്കാൻ ഇവിടെ എഴുതുക: