ഷിരൂര്: കര്ണാടകയിലെ ഷിരൂരില് ഗംഗാവലി നദിയില് കണ്ടെത്തിയ ട്രക്ക് അര്ജുന്റേത് തന്നെയെന്ന് ദൗത്യ സംഘത്തിന്റെ സ്ഥിരീകരണം.
നദിയോട് ചേര്ന്ന് ഐബോഡ് ഡ്രോണ് പറത്തിയുളള പരിശോധനയിലും പുഴയില് ട്രക്കിന്റെ സിഗ്നലുകള് കണ്ടെത്തിയെന്നാണ് സൂചന.
പുഴയ്ക്കടിയിലെ ട്രക്കിന്റെ കിടപ്പും സ്ഥാനവും ഐബോഡ് ഡ്രോണ് പരിശോധനയില് വ്യക്തമാകും. എന്നാല്, മനുഷ്യസാന്നിധ്യം കണ്ടെത്താന് ഡ്രോണ് പരിശോധനയില് കഴിഞ്ഞേക്കില്ലെന്നാണ് നാവികസേന അറിയിച്ചത്.
മനുഷ്യസാന്നിധ്യം കണ്ടെത്താന് കഴിഞ്ഞില്ലെങ്കില് ദൗത്യം വീണ്ടും നീളും. ട്രക്ക് കണ്ടെത്താന് പുഴയില് രാവിലെ പരിശോധന നടത്തിയെങ്കിലും ശക്തമായ അടിയൊഴുക്ക് മൂലം നാവിക സേനയുടെ മുങ്ങല് വിദഗ്ധര് വെള്ളത്തില് ഇറങ്ങിയില്ല. ഗംഗാവലി പുഴയിലെ ശക്തമായ അടിയൊഴുക്ക് ദൗത്യത്തിന് തടസം സൃഷ്ടിക്കുന്നുണ്ട്.
