കോഴിക്കോട്: സൈന്യത്തിന്റെ സേവനത്തില് പരിപൂര്ണ്ണ തൃപ്തിയുണ്ടെന്ന് കര്ണ്ണാടകയിലെ ഷിരൂരിലെ മണ്ണിടിച്ചിലില് കാണാതായ ലോറി ഡ്രൈവര് അര്ജുന്റെ ഭാര്യ കൃഷ്ണപ്രിയ. മലയിടിഞ്ഞ മണ്ണെല്ലാം നീക്കിനോക്കിയെങ്കിലും അര്ജനെയോ ലോറിയോ കണ്ടെത്താന് സൈന്യത്തിന് സാധിച്ചില്ല.
“എന്റെ കുട്ടിയുടെ അച്ഛനെ എനിക്ക് വേണം. ഞങ്ങള്ക്ക് നീതി കിട്ടണം. അവസാനമായെങ്കിലും അര്ജുനെ ഒരു നിമിഷമെങ്കിലും കാണണം.”- കരച്ചിടലക്കാനാവാതെ ഭാര്യ കൃഷ്ണപ്രിയ പറഞ്ഞു.
പക്ഷെ ഇപ്പോള് ലോറി പുഴയിലേക്ക് ഒളിച്ചുപോയിരിക്കാമെന്ന സംശയം ഉള്ളതിനാല് സൈന്യം അപകടം നടന്ന സ്ഥലത്ത് തന്നെ തമ്പടിക്കുകയാണ്. പുഴയില് കൂടി പരിശോധന നടത്തിയ ശേഷമേ മടങ്ങിപ്പോകൂ എന്ന നിലപാടിലാണ് സൈന്യം. അതിനിടയില് പുഴയില് നിന്നും ലോറിയുടേതെന്ന് കരുതുന്ന സംശയകരമായ സിഗ്നല് കിട്ടിയതായി റിപ്പോര്ട്ടുകളുണ്ട്. എന്തായാലും ചൊവ്വാഴ്ച നാവിക സേനയാണ് പുഴയില് പരിശോധന നടത്തുക.
