ഷിരൂര്‍ : കര്‍ണാടക ഷിരൂരിലെ മണ്ണിടിച്ചിലില്‍ അകപ്പെട്ട കോഴിക്കോട് സ്വദേശി അര്‍ജുനായുള്ള തെരച്ചില്‍ നടത്തുന്ന മലയാളി രക്ഷാപ്രവര്‍ത്തകരോട് കര്‍ണാടക പൊലീസ് മോശമായി പെരുമാറിയെന്ന് ആരോപണം. രക്ഷാപ്രവര്‍ത്തകന്‍ രഞ്ജിത്ത് ഇസ്രയേലിനെ പൊലീസ് മര്‍ദിച്ചെന്നും ആരോപണമുയര്‍ന്നു.
മലയാളികളോട് ഈ സ്ഥലത്തുനിന്ന് പോകണമെന്ന് കര്‍ണാടക പൊലീസ് ആവശ്യപ്പെടുന്നതായി അര്‍ജുന്‍ ഓടിച്ചിരുന്ന ലോറി ഉടമ മനാഫ് പറഞ്ഞു. ദൗത്യത്തില്‍ നിന്ന് ഒഴിഞ്ഞ് നില്‍ക്കാന്‍ പൊലീസ് തങ്ങളോട് ആവശ്യപ്പെടുന്നുണ്ടെന്നും പൊലീസ് അനാവശ്യമായി ഇടപെടുകയാണെന്നും മനാഫ് വെളിപ്പെടുത്തി.
അതേസമയം റോഡില്‍ വീണ മണ്ണ് നീക്കുന്നത് പൂര്‍ത്തീകരണത്തോട് അടുക്കുകയാണ്.നേരത്തേ റഡാറില്‍ ലോഹ സിഗ്നല്‍ കിട്ടിയ രണ്ടിടങ്ങളില്‍ പരിശോധന നടത്തിയെങ്കിലും ലോറി കണ്ടെത്താനായില്ല. മണ്ണ് നീക്കല്‍ അല്‍പ സമയത്തിനകം പൂര്‍ത്തിയാകുന്നതോടെ ഇനി പുഴയിലാകും അന്വേഷണം നടത്തുക.
പ്രതികരിക്കാൻ ഇവിടെ എഴുതുക: