മുംബൈ: പാരിസ് ഒളിംപിക്സില് പങ്കെടുക്കുന്ന ഭാരത അത്ലറ്റുകള്ക്ക് ഭാരത ക്രിക്കറ്റ് കണ്ട്രോള് ബോര്ഡിന്റെ(ബിസിസിഐ) 8.5 കോടി രൂപ. ബിസിസിഐ സെക്രട്ടറി ജയ് ഷാ ആണ് ഇക്കാര്യം ഇന്നലെ പ്രഖ്യാപിച്ചത്.
അഭിമാനത്തോടെയാണ് താന് ഇക്കാര്യം പ്രഖ്യാപിക്കുന്നതെന്ന് പറഞ്ഞുകൊണ്ടാണ് ഷാ വിവരം അറിയിച്ചത്- എക്സിലൂടെയാണ് ഇക്കാര്യം അറിയിച്ചത്. പാരിസില് 117 താരങ്ങളാണ് പങ്കെടുക്കുന്നത്. ഇതില് 70 പുരുഷ താരങ്ങളും 47 വനിതാ താരങ്ങളും ഉള്പ്പെടുന്നു.
ബുധനാഴ്ച്ചയാണ് ഒളിംപിക്സ് മത്സരങ്ങള് ആരംഭിക്കുന്നത്. ദീപം തെളിയിക്കല് ചടങ്ങ് വെള്ളിയാഴ്ച്ചയും.
