കോഴിക്കോട് : മലപ്പുറത്ത് വയോധികന് നിപ്പ ലക്ഷണവുമായി ചികില്സയില്.മലപ്പുറം സ്വദേശിയായ 68 വയസുകാരനാണ് രോഗം സ്ഥിരീകരിച്ചത്.
ഇദ്ദേഹത്തിന്റെ സ്രവ സാമ്പിള് പരിശോധനയ്ക്കായി അയച്ചു .രോഗിയെ മഞ്ചേരി മെഡിക്കല് കോളേജില്നിന്ന് കോഴിക്കോട് മെഡിക്കല് കോളേജിലേക്ക് മാറ്റി.
ഇയാള് നിലവില് തീവ്രപരിചരണ വിഭാഗത്തില് തുടരുകയാണ്.മരിച്ച കുട്ടിയുമായി സമ്പര്ക്കമില്ലാത്ത ആള്ക്കാണ് രോഗലക്ഷണം.
അതിനിടെ നിപ്പ ബാധിച്ച് മരിച്ച പതിനാലുകാരന്റെ കബറടക്കം മലപ്പുറത്ത് നടക്കും. ജില്ലാ കളക്ടര് കുട്ടിയുടെ മാതാപിതാക്കളുമായി നടത്തിയ ചര്ച്ചയിലാണ് തീരുമാനമായത്.
അതേസമയം, നിപ്പ സ്ഥിരീകരിച്ച പശ്ചാത്തലത്തില് മലപ്പുറം ജില്ലയിലെ ആനക്കയം, പാണ്ടിക്കാട് പഞ്ചായത്തുകളില് കര്ശന നിയന്ത്രണം ഏര്പ്പെടുത്തിയിട്ടുണ്ട്.കടകള് രാവിലെ 10 മണി മുതല് 5 മണി വരെ മാത്രമേ പ്രവര്ത്തിക്കാവൂ. വിവാഹ ചടങ്ങുകള്ക്ക് 50 പേര്ക്ക് മാത്രം പങ്കെടുക്കാന് അനുമത്.ആനക്കയം, പാണ്ടിക്കാട് പഞ്ചായത്തുകളില് എല്ലാവരും വീടുകളില് തുടരണം.
