തൊടുപുഴ : നഗരസഭ ഒമ്പതാം വാർഡിലേക്ക് നടക്കുന്ന ഉപതെരഞ്ഞെടുപ്പിൽ എൻഡിഎ സ്ഥാനാർഥി ആയി മത്സരിക്കുന്ന രാജേഷ് പൂവാശേരിലിന്റെ തെരഞ്ഞെടുപ്പ് കൺവെൻഷൻ നടന്നു. ഇലക്ഷൻ കമ്മിറ്റി കൺവീനർ ഗോപാലകൃഷ്ണന്റെ അധ്യക്ഷതയിൽ നടന്ന കൺവെൻഷൻ മുൻ എംഎൽഎ പിസി ജോർജ് ഉദ്ഘാടനം ചെയ്തു.
കേന്ദ്രസർക്കാരിന്റെ ജനക്ഷേമ പദ്ധതികൾ വാർഡിൽ നടപ്പാക്കുന്നതിനും തൊടുപുഴ നഗരസഭയിലെ ഇടത് വലത് മുന്നണികളുടെ അവിശുദ്ധ കൂട്ടുകെട്ടും ചെയർമാന്റെ നേതൃത്വത്തിലുള്ള അഴിമതിയും കെടുകാര്യസ്ഥതയും അവസാനിപ്പിക്കുന്നതിനും റോഡുകൾ റീടാറിങ് നടത്തുന്നതിനും വഴിവിളക്കുകൾ സ്ഥാപിക്കുന്നതിനും ഉൾപ്പെടെയുള്ള നിരവധി ജനോപകാരപ്രദമായ പദ്ധതികൾ വാർഡിൽ നടപ്പാക്കുന്നതിനും എൻഡിഎ സ്ഥാനാർഥി വിജയിച്ചു വരേണ്ടത് അനിവാര്യമാണെന്നും പിസി ജോർജ് പറഞ്ഞു.
എറണാകുളം മേഖലാ പ്രസിഡണ്ട് എൻ.ഹരി, ബിജെപി ഇടുക്കി ജില്ലാ പ്രസിഡണ്ട് കെ.എസ് അജി, പി.പി സാനു, ശ്രീകാന്ത് എന്നിവർ സംസാരിച്ചു. നിരവധി ജില്ലാ, മണ്ഡലം നേതാക്കളും മുനിസിപ്പൽ കൗൺസിലേഷ്സും നിരവധി പ്രവർത്തകരും പങ്കെടുത്തു.
