ന്യൂയോര്ക്ക്: ഭാരതത്തിന്റെ വികസനകുതിപ്പിനെ ലോകത്തിന്റെ നെറുകയില് എത്തിക്കാന് ഏറ്റവും സജ്ജമായ മന്ത്രിസഭയാണ് മോദി 3.0 മന്ത്രിസഭ എന്ന് കേരള ഹിന്ദൂസ് ഓഫ് നോര്ത്ത് അമേരിക്ക(കെഎച്ച്എന്എ) എക്സിക്യൂട്ടീവ് കമ്മിറ്റി അഭിപ്രായപ്പെട്ടു. ശരിയായ ദിശാബോധം ഉള്ള ഒരു പുതിയ ഭാരതത്തെ കെട്ടിപെടുക്കാന് കഴിഞ്ഞ രണ്ടു മന്ത്രിസഭകള്ക്കും കഴിഞ്ഞു എന്നത് ഏതൊരു പ്രവാസി ഭാരതീയനും അഭിമാനമുണര്ത്തുന്ന കാര്യമാണ്.
അതിന്റെ പിന്തുടര്ച്ചയാകും ഈ മൂന്നാം നരേന്ദ്രമോദി മന്ത്രിസഭ എന്നതില് യാതൊരു സംശയവുമില്ല എന്നും കെഎച്ച്എന്എ ഡയരക്ടര് ബോര്ഡ് അംഗങ്ങള് പ്രതിപാദിച്ചു.
പുതിയ കേന്ദ്ര സര്ക്കാര് രൂപീകരണത്തെ ഏറെ പ്രതീക്ഷകളോടെ ആണ് കേരളവും കേരള പ്രവാസി സമൂഹവും നോക്കികാണുന്നത്. ഏതൊരു പ്രവാസിയും ആഗ്രഹിക്കുന്ന പോലെ സ്വന്തം നാടിന്റെ വികസനത്തിനും പുരോഗതിക്കും വേണ്ടി പരിശ്രമിക്കാന് പ്രതിജ്ഞാബദ്ധവും സദാ സന്നദ്ധവുമാണ് കെഎച്ച്എന്എ എന്ന് കെഎച്ച്എന്എ ഡയരക്ടര് ബോര്ഡിന് വേണ്ടി പ്രസിഡന്റ് ഡോ നിഷ പിള്ള അറിയിച്ചു. ‘കെഎച്ച്എന്എ ഫോര് കേരള’ എന്നതു കേരളത്തിലെ നിര്ധനരായ സഹോദരങ്ങള്ക്ക് കൈതാങ്ങാകുന്ന പദ്ധതിയാണ്. ഏകദേശം ഒരു കോടി രൂപയാണ് ഈ പദ്ധതിക്കായി വകയിരുത്തിയിരുക്കുന്നത്. പദ്ധതി നടത്തിപ്പിനായ തയ്യാറെടുപ്പുകള് നടന്നുവരുന്നു എന്ന് ഡോ നിഷ പിള്ള പറഞ്ഞു.
2024 ലെ ലോക്സഭാ തിരഞ്ഞെടുപ്പില് വിജയിച്ച 20 എംപിമാര്ക്കും അതോടൊപ്പം കേന്ദ്ര മന്ത്രിസഭയിലെ കേരളത്തിന്റെ സംഭവനകളായ സുരേഷ് ഗോപി, ജോര്ജ് കുര്യന് എന്നിവരെയും കെഎച്ച്എന്എ ഡയറക്ടര് ബോര്ഡ് അനുമോദിച്ചു. 2009 കാലഘട്ടം മുതല് തന്നെ കെഎച്ച്എന്എയുമായി വളരെ അടുത്ത ഹൃദയബന്ധം സൂക്ഷിക്കുന്ന ഒരു വ്യക്തിയാണ് സുരേഷ് ഗോപി എന്ന് എക്സിക്യൂട്ടീവ് കമ്മിറ്റി അറിയിച്ചു. കെഎച്ച്എന്എ 2010ല് വാഷിങ്ടണ് ഡിസി യിലെ മുരുക ക്ഷേത്രത്തില് വിദ്യാര്ഥികള്ക്കായി എം ജി മേനോന്റെ നേതൃത്വത്തില് നടത്തിയ ഏറ്റവും മികച്ച പരിപാടി ആയിരുന്ന ‘വിദ്യാരംഭം’ പരിപാടിയിലും ,2017 ഇല് ഡിട്രോയിറ്റില് നടന്ന കെഎച്ച്എന്എ ത്രിദിന കണ്വന്ഷനില് ചലച്ചിത്ര താരം , രാജ്യസഭ എംപി എന്നീ നിലകളില് ഉള്ള സുരേഷ് ഗോപിയുടെ സാന്നിധ്യം ചടങ്ങിന് ഏറെ മാറ്റ് കൂട്ടി എന്ന് എക്സിക്യൂട്ടീവ് കമ്മിറ്റി സ്മരിച്ചു.2025 ല് ന്യൂയോര്ക്കില് വച്ച് നടക്കുന്ന ‘കെഎച്ച്എന്എ വിരാട് 2025’കണ്വെന്ഷനില് പ്രത്യേക ക്ഷണിതാക്കളായി കേന്ദ്ര മന്ത്രിമാരായ സുരേഷ് ഗോപി, ജോര്ജ് കുര്യന്,കേരളത്തില് നിന്നുള്ള മറ്റു എംപി മാര്, വിശിഷ്ട വ്യക്തികള് എന്നിവരെ പങ്കെടുപ്പിക്കുന്നതിന് വേണ്ടിയുള്ള ശ്രമങ്ങള് നടന്നു വരുന്നതായും കമ്മിറ്റിക്ക് വേണ്ടി ഡോ. നിഷ പിള്ള അറിയിച്ചു.
അനുപമ ശ്രീജേഷ്
