ഇൻസ്റ്റഗ്രാമിലൂടെ വിവാഹമോചനം പ്രഖ്യാപിച്ച് യുഎഇ രാജകുമാരി ; അറബ് ലോകത്ത് ഇത് പുതിയ അനുഭവം

ദുബായ് : ദുബായ് ഭരണാധികാരിയും യുഎഇ പ്രധാനമന്ത്രിയുമായ മുഹമ്മദ് ബിൻ റാഷിദ് അൽ മക്തൂമിന്റെ മകൾ സോഷ്യൽ മീഡിയയിലൂടെ വിവാഹമോചനം പ്രഖ്യാപിച്ചു. മക്തൂമിന്റെ മകൾ ഷെയ്ഖ മഹ്‌റ ബിൻത് തന്റെ ഭർത്താവ് ഷെയ്ഖ് മന ബിൻ മുഹമ്മദ് ബിൻ റാഷിദ് ബിൻ മന അൽ മക്തൂമിൽ നിന്ന് വിവാഹമോചനം ആവശ്യപ്പെട്ട് ഇൻസ്റ്റഗ്രാമിൽ പോസ്റ്റ് ചെയ്തത്.

“പ്രിയ ഭർത്താവേ, നിങ്ങൾ മറ്റ് ആളുകളുമായി തിരക്കിലായിരിക്കണം. അതിനിടയിൽ, ഞാൻ നമ്മളുടെ വിവാഹമോചനം പ്രഖ്യാപിക്കുന്നു. ഞാൻ നിങ്ങളെ വിവാഹമോചനം ചെയ്യുന്നു. ഞാൻ നിങ്ങളെ വിവാഹമോചനം ചെയ്യുന്നു, ഞാൻ നിങ്ങളെ വിവാഹമോചനം ചെയ്യുന്നു. ശ്രദ്ധപുലർത്തുക. എന്ന് നിങ്ങളുടെ മുൻ ഭാര്യ ” – ഷെയ്ഖ മഹ്‌റ ബിൻത് പോസ്റ്റ് ചെയ്തു.

മക്തൂമിന്റെ മകൾ ഷെയ്ഖ മഹ്‌റ ബിൻത് രണ്ട് മാസം മുമ്പാണ് ഒരു പെൺകുഞ്ഞിന് ജന്മം നൽകിയത്. 1994 ൽ ജനിച്ച മഹാര കഴിഞ്ഞ വർഷം മെയ് 27 ന് ഷെയ്ഖ് മന ബിന്നിനെ വിവാഹം കഴിച്ചിരുന്നു. വിവാഹം കഴിഞ്ഞ് അഞ്ച് മാസത്തിന് ശേഷം താൻ ഗർഭിണിയായ വിവരം സോഷ്യൽ മീഡിയയിൽ പങ്കുവെച്ചിരുന്നു. അവരുടെ അൾട്രാസൗണ്ട് സ്കാനിന്റെ ചിത്രം ഇൻസ്റ്റാഗ്രാം സ്റ്റോറിയിൽ പങ്കുവെക്കുമ്പോൾ ഞങ്ങൾ മൂന്ന് പേർ മാത്രമാണെന്നും അവർ പറഞ്ഞിരുന്നു.

എന്നാൽ ഇപ്പോൾ വിവാഹമോചനം പ്രഖ്യാപിച്ചതിന് ശേഷം മകൾക്കൊപ്പമുള്ള ചിത്രം പങ്കുവെച്ച് മകൾക്ക് ഹിന്ദ് എന്ന് പേരിട്ടിരിക്കുന്നുവെന്ന് അവർ പറഞ്ഞു. എന്തായാലും ഈ ചെയ്തി അറബ് ലോകത്ത് ഏറെ ചർച്ചാവിഷയമായിരിക്കുകയാണ്.