ചണ്ഡിഗഡ്: കാനഡ ആസ്ഥാനമായി പ്രവര്‍ത്തിക്കുന്ന ഖാലിസ്ഥാന്‍ ഭീകരന്‍ ലഖ്ബിര്‍ സിങ് ലണ്ഡയുമായി ബന്ധമുള്ള അഞ്ചു പേരെ അറസ്റ്റ് ചെയ്തു. ഇന്നലെയാണ് ജലന്ധര്‍ പോലീസ് ഇവരെ കസ്റ്റഡിയിലെടുത്തത്. മൂന്ന് പിസ്റ്റളുകളും ഇവരില്‍ നിന്ന് കണ്ടെടുത്തുവെന്ന് ഡിജിപി ഗൗരവ് യാദവ് അറിയിച്ചു.
ഇതോടെ ലണ്ഡയുമായി ബന്ധമുള്ള 13 പേര്‍ ഇതുവരെ അറസ്റ്റിലായി. പഞ്ചാബില്‍ വിവിധയിടങ്ങളില്‍ കൊലപാതകം, കൊള്ളയടിക്കല്‍ തുടങ്ങി ഹീനമായ പ്രവൃത്തികളില്‍ ഇവര്‍ ഉള്‍പ്പെട്ടിരുന്നുവെന്നും കൂടുതല്‍ ആക്രമണങ്ങള്‍ക്ക് പദ്ധതിയിട്ടിരുന്നതായും അദ്ദേഹം എക്‌സില്‍ കുറിച്ചു.
ജൂണ്‍ 10നാണ് ലണ്ഡയുമായി ബന്ധമുള്ള മൂന്ന് പേരെ പോലീസ് അറസ്റ്റ് ചെയ്തത്. പിന്നീട് 30ന് അഞ്ച് പേര്‍കൂടി പിടിയിലായി.
പ്രതികരിക്കാൻ ഇവിടെ എഴുതുക: