കാസര്‍കോട്: കേരള എന്‍ജിഒ സംഘ് 45-ാം സംസ്ഥാന സമ്മേളനത്തിന് ഇന്ന് കാസര്‍കോട് തുടക്കം. ജില്ലാ വ്യാപാര ഭവനില്‍ രാവിലെ 10ന് ആരംഭിക്കുന്ന സംസ്ഥാന സമിതി യോഗം ബിഎംഎസ് സംസ്ഥാന വൈസ് പ്രസിഡന്റ് അഡ്വ. പി. മുരളീധരന്‍ ഉദ്ഘാടനം ചെയ്യും.
എന്‍ജിഒ സംഘ് സംസ്ഥാന വൈസ് പ്രസിഡന്റ് ആര്‍. ശ്രീകുമാരന്‍ അധ്യക്ഷനാകും. സംസ്ഥാന പ്രസിഡന്റ് ടി.എന്‍. രമേശ് നാളെ രാവിലെ പതാക ഉയര്‍ത്തുന്നതോടെ ആരംഭിക്കുന്ന സംസ്ഥാന സമ്മേളനം ബിഎംഎസ് അഖിലേന്ത്യ പ്രസിഡന്റ് ഹിരണ്‍മയ് പാണ്ഡ്യ ഉദ്ഘാടനം ചെയ്യും.
13ന് സംസ്ഥാന കൗണ്‍സില്‍ യോഗം കേന്ദ്രമന്ത്രി ജോര്‍ജ് കുര്യന്‍ ഉദ്ഘാടനം ചെയ്യും. ആര്‍എസ്എസ് പ്രാന്തീയ ബൗദ്ധിക്പ്രമുഖ് കെ.പി. രാധാകൃഷ്ണന്‍, ബിഎംഎസ് സംസ്ഥാന പ്രസിഡന്റ് ശിവജി സുദര്‍ശനന്‍, ദേശീയ നിര്‍വ്വാഹക സമിതിയംഗം സി. ഉണ്ണികൃഷ്ണന്‍ ഉണ്ണിത്താന്‍, സംഘടനാ സെക്രട്ടറി കെ. മഹേഷ്, ദക്ഷിണമേഖലാ സഹ. സംഘടന സെക്രട്ടറി എം.പി. രാജീവന്‍, എന്‍ജിഒ സംസ്ഥാന പ്രസിഡന്റ് ടി.എന്‍. രമേശ്, ജന. സെക്രട്ടറി എ. പ്രകാശ്, ഡെപ്യൂട്ടി ജനറല്‍ സെക്രട്ടറി എസ്. രാജേഷ്, ട്രഷറര്‍ ടി. ദേവാനന്ദന്‍, രാഷ്‌ട്രീയ രാജ്യകര്‍മചാരി മഹാസംഘ് ദേശീയ ഉപാധ്യക്ഷന്‍ പി. സുനില്‍കുമാര്‍, ദേശീയ സെക്രട്ടറി എസ്.കെ. ജയകുമാര്‍ എന്നിവര്‍ വിവിധ സെഷനുകളില്‍ സംസാരിക്കും.
ശശിധര ഐഎഎസ് (റിട്ട.) ചെയര്‍മാനായും പി. പിതാംബരന്‍ ജനറല്‍ കണ്‍വീനറുമായ 151 അംഗ സ്വാഗതസംഘമാണ് പ്രവര്‍ത്തനത്തിന് നേതൃത്വം വഹിക്കുന്നത്. എന്‍ജിഒ സര്‍വ്വീസ് മേഖലയില്‍ ജീവനക്കാര്‍ നേരിടുന്ന വിവിധ വിഷയങ്ങള്‍ സംസ്ഥാന സമ്മേളനത്തില്‍ ചര്‍ച്ച ചെയ്യപ്പെടും. പങ്കാളിത്ത പെന്‍ഷന്‍ പദ്ധതി പിന്‍വലിക്കാമെന്ന് വാഗ്ദാനം നല്കി അധികാരത്തിലേറിയ ഇടത് സര്‍ക്കാര്‍ ജീവാനന്ദം എന്ന പേരില്‍ സ്റ്റാറ്റിയൂട്ടറി പെന്‍ഷന്‍ അട്ടിമറിക്കുന്നതിനായി നടപ്പിലാക്കാന്‍ ശ്രമിക്കുന്ന പുതിയ പദ്ധതിക്കെതിരെയും മറ്റു വിഷയങ്ങളും ഉള്‍ക്കൊള്ളിച്ച് പ്രമേയങ്ങള്‍ ഉണ്ടാകുമെന്ന് ഭാരവാഹികള്‍ അറിയിച്ചു.
പ്രതികരിക്കാൻ ഇവിടെ എഴുതുക: