സർക്കാരിന്റെ ഭക്ഷ്യ കിറ്റിൽ ആദിവാസികൾക്ക് വിതരണം ചെയ്തത് നിരോധിച്ച മായം കലർന്ന വെളിച്ചെണ്ണ: ഉപയോഗിച്ചവരിൽ ഭക്ഷ്യവിഷബാധ

ഇടുക്കി: ആദിവാസികൾക്ക് സംസ്ഥാന സർക്കാർ വിതരണം ചെയ്ത ഭക്ഷ്യകിറ്റിൽ നിരോധിച്ച വെളിച്ചെണ്ണ. ഇതുപയോഗിച്ചവർക്ക് ഭക്ഷ്യവിഷബാധ ഏറ്റതായി പരാതിയുണ്ട്. കേര സുഗന്ധി എന്ന നിരോധിത വെളിച്ചെണ്ണയുടെ ഒരു ലിറ്റര്‍ വീതമുള്ള പാക്കറ്റാണ് വിതരണം ചെയ്തത്.

മായം കലര്‍ന്ന നിരോധിത വെളിച്ചെണ്ണയാണെന്ന് മനസിലാക്കാതെ ഇതുപയോഗിച്ച് ഭക്ഷണം പാകം ചെയ്തവര്‍ക്കാണ് ഭക്ഷ്യവിഷബാധയേറ്റത്. സംഭവത്തിന് പിന്നാലെ ആദിവാസി ഏകോപന സമിതിയും ഐടിഡിപിയും ചേർന്ന് വെളിച്ചെണ്ണ പരിശോധനയ്‌ക്ക് അയച്ചു.