ജമ്മു: 2021 ഒക്ടോബർ 11 മുതൽ ജമ്മു മേഖലയിൽ തീവ്രവാദികളുമായിട്ടുള്ള ഏറ്റുമുട്ടലിൽ 43 ധീരഹൃദയങ്ങൾ രാജ്യത്തിന് വേണ്ടി ജീവൻ ബലിയർപ്പിച്ചു. പൂഞ്ച് ജില്ലയിലെ സുരൻകോട്ടിനും മെന്ദറിനും ഇടയിലുള്ള ചമ്രേർ, ഭട്ടാ ദുരിയൻ വനങ്ങളിൽ ഭീകരരും സൈന്യവും തമ്മിൽ പത്ത് ദിവസത്തിലേറെയായി ഏറ്റുമുട്ടൽ നടന്നുകൊണ്ടിരിക്കുന്ന സാഹചര്യത്തിലാണ് ഈ ഓർമ്മപ്പെടുത്തൽ.
2021 ഒക്ടോബർ 11-ന് അഞ്ച് സൈനികർക്ക് ചമ്രേർ വനങ്ങളിൽ ജീവൻ നഷ്ടപ്പെട്ടപ്പോൾ, മറ്റ് നാല് പേർ 2021 ഒക്ടോബർ 16-ന് ഭട്ടാ ദുരിയൻ വനങ്ങളിൽ വെച്ച് രക്തസാക്ഷിത്വം വരിച്ചു. അവരിൽ രണ്ട് പേർ ജെസിഒമാരാണ്. 2021 ഒക്ടോബർ 30 ന് രജൗരിയിലെ നൗഷേര സെക്ടറിൽ രണ്ട് സൈനിക ജവാൻമാർ കൂടി ജീവൻ ബലിയർപ്പിച്ചു.
2022 ഓഗസ്റ്റ് 11 ന് രജൗരിയിലെ ദർഹാൽ പ്രദേശത്തെ പർഗലിൽ നടന്ന ഭീകരാക്രമണത്തിൽ അഞ്ച് സൈനികർ വീരമൃത്യു വരിക്കുകയും രണ്ട് തീവ്രവാദികൾ കൊല്ലപ്പെടുകയും ചെയ്തു. 2023 ഏപ്രിൽ 20 ന് പൂഞ്ചിലെ മെൻധാർ പ്രദേശത്തെ ഭട്ടാ ദുരിയനിൽ അഞ്ച് സൈനികർ വീരമൃത്യു വരിക്കുകയും കൃത്യം രണ്ടാഴ്ചയ്‌ക്ക് ശേഷം രജൗരി ജില്ലയിലെ കാണ്ടിയിൽ ഭീകരർ നടത്തിയ ഐഇഡി സ്‌ഫോടനത്തിൽ അഞ്ച് പാരാ കമാൻഡോകൾക്ക് ജീവൻ നഷ്ടപ്പെടുകയും ഒരു മേജറിന് പരിക്കേൽക്കുകയും ചെയ്തു.
2023 നവംബർ 22 ന്, രജൗരിയിലെ കലക്കോട്ടിലെ ധരംഷാൽ പ്രദേശത്തെ ബാജിമാലിൽ രണ്ട് വിദേശ ഭീകരരെ ഉന്മൂലനം ചെയ്യുന്നതിനിടെ അഞ്ച് സൈനികർ, അവരിൽ രണ്ട് ക്യാപ്റ്റൻമാർ രക്തസാക്ഷിത്വം വരിച്ചു. 2023 ഡിസംബർ 21-ന് പൂഞ്ച് മേഖലയിൽ അഞ്ച് സൈനികർ കൂടി കൊല്ലപ്പെടുകയും രണ്ട് പേർക്ക് പരിക്കേൽക്കുകയും ചെയ്തു.
2024 ഏപ്രിൽ 28 ന് ഉധംപൂർ ജില്ലയിലെ ബസന്ത്ഗഡിൽ ഒരു വിഡിജി ജവാൻ മരിച്ചു. 2024 മെയ് 4 ന് പൂഞ്ചിലെ സുരൻകോട്ടിൽ വെച്ച് ഒരു എയർഫോഴ്സ് ജവാൻ മരിച്ചു. 2024 ജൂൺ 11 ന് കത്വയിലെ ഹിരാനഗറിൽ ഒരു സിആർപിഎഫ് ജവാൻ ജീവൻ ബലിയർപ്പിച്ചു. കത്വ ജില്ലയിലെ ബില്ലവാർ മേഖലയിലെ മച്ചേദിയിൽ നാല് സൈനിക ജവാന്മാർ ഇന്ന് വീരമൃത്യു വരിച്ചു.
പ്രതികരിക്കാൻ ഇവിടെ എഴുതുക: