ആലപ്പുഴ: നെഹ്റു ട്രോഫി വള്ളംകളിക്കുളള പ്രവേശന ടിക്കറ്റുകള് സര്ക്കാര് ഓഫീസുകളിലൂടെ വില്ക്കാന് ഉത്തരവ്.ഇടുക്കി, കണ്ണൂര്, വയനാട്, കാസര്ഗോഡ് ഒഴികെയുള്ള ജില്ലകളിലെ സര്ക്കാര് ഓഫീസുകളിലൂടെയാണ് ടിക്കറ്റുകള് വില്ക്കുക.
ഫണ്ട് സമാഹരണത്തിനായാണ് സര്ക്കാര് ഓഫീസുകളിലൂടെ ടിക്കറ്റ് വില്ക്കുന്നത്.വള്ളംകളി നടത്തിപ്പിന് ഫണ്ട് കണ്ടെത്താന് സഹായം തേടി ആലപ്പുഴ സബ് കളക്ടര് സര്ക്കാരിനെ സമീപിച്ചിരുന്നു. ഇതാണ് പൊതുഭരണ വകുപ്പ് ഉത്തരവിറക്കാന് കാരണം.
നിര്ബന്ധിത പിരിവും അടിച്ചേല്പ്പിക്കുന്ന ടിക്കറ്റ് വില്പനയും പാടില്ലെന്നും ഉത്തരവിലുണ്ട്. നെഹ്റു ട്രോഫി ബോട്ട് റേസ് സൊസൈറ്റി കടുത്ത സാമ്പത്തിക പ്രതിസന്ധി നേരിടുന്നതിനാലാണ് ഇത്തരത്തില് ഒരു തീരുമാനം. അടുത്ത മാസം 10നാണ് എഴുപതാമത് നെഹ്റു ട്രോഫി വള്ളംകളി നടക്കുന്നത്.
