കാസര്കോട്: ചന്ദ്രഗിരി പാലത്തിന് സമീപം റെയില് പാളത്തില് സംശയകരമായ സാഹചര്യത്തില് കടലാസ് പൊതി കണ്ടെത്തി. സംഭവം അറിഞ്ഞ് ആര്പിഎഫും റെയില്വേ പൊലീസും സ്ഥലത്തെത്തി പരിശോധന നടത്തിയപ്പോള് അതിലുണ്ടായിരുന്നത് കെട്ട് കമ്പിയും ചരടും.
കാസര്ഗോഡ് ജില്ലയില് നേരത്തേയും വിവിധ ഇടങ്ങളില് റെയില് പാളത്തിന് മുകളില് കല്ലും ഇരുമ്പ് കഷ്ണങ്ങളും കയറ്റി വച്ച സംഭവമുണ്ടായിട്ടുണ്ട്. ഇതും അത് പോലുളള വസ്തുക്കളോ മറ്റോ ആയിരിക്കുമെന്നാണ് ആദ്യം കരുതിയത്.
കടലാസ് പൊതി ആരെങ്കിലും കൊണ്ടുവന്ന് റെയില്വെ ട്രാക്കിലിട്ടാണോ ഉപേക്ഷിച്ചതാണോയെന്ന് വ്യക്തമല്ല. കൂടോത്രമാണോ എന്നും സംഭവമറിഞ്ഞെത്തിയവര് സംശയം പ്രകടിപ്പിച്ചു.
