കോഴിക്കോട്:മാവൂരില്‍ പെട്രോള്‍ പമ്പില്‍ നിര്‍ത്തിയിട്ട ടാങ്കര്‍ ലോറിയുടെ ചില്ല് എറിഞ്ഞ് തകര്‍ത്തു.മാംഗളൂര്‍ റിഫൈനറി ആന്‍ഡ് പെട്രോകെമിക്കല്‍സ് ലിമിറ്റഡിന്റെ ഡീലര്‍ഷിപ്പിലുള്ള കൂളിമാടിലെ പമ്പിന് നേരെയാണ് അജ്ഞാതന്റെ ആക്രമണം.
വെളളിയാഴ്ച പുലര്‍ച്ചെ ഒരു മണിയോടെയാണ് സംഭവം. കല്ലെറിയുന്ന ദൃശ്യങ്ങള്‍ സമീപത്തെ സി സി ടി വിയില്‍ പതിഞ്ഞിട്ടുണ്ട്. എന്നാല്‍ ഇതിന് പിന്നില്‍ ആരാണെന്ന് വ്യക്തമായിട്ടില്ല.
കേന്ദ്രസര്‍ക്കാരിന്റെ കീഴിലുള്ള എം ആര്‍ പി എല്ലിന്റെ ഡീലര്‍ഷിപ്പിലുള്ള സംസ്ഥാനത്തെ ആദ്യ പമ്പാണിത്. ആക്രമണത്തിന് പിന്നില്‍ ക്വട്ടേഷന്‍ സംഘമാണോ എന്ന് സംശയമുണ്ടെന്ന് ഉടമ കൊടിയത്തൂര്‍ ചെറുവാടി സ്വദേശി ഹമീം പറയങ്ങാട്ട് പൊലീസിന് മൊഴി നല്‍കി. ലോറിയുടെ ചില്ലിലേക്ക് രണ്ട് തവണ എറിഞ്ഞ ശേഷം അക്രമി ഓടിപ്പോവുകയായിരുന്നു. സംഭവത്തില്‍ കേസെടുത്ത പൊലീസ് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: