കോട്ടയം: സംസ്ഥാനത്ത് മെഡിക്കല് വിദ്യാഭ്യാസ വകുപ്പിന് കീഴിലുള്ള സര്ക്കാര് മെഡിക്കല് കോളേജുകളിലേയും ഡെന്റല് കോളേജുകളിലെയും ഹൗസ് സര്ജന്മാരുടെയും റെസിഡന്റ് ഡോക്ടര്മാരുടെയും സ്റ്റൈപന്റ് വര്ധിപ്പിച്ചു. 2024 ജൂലൈ ഒന്നു മുതല് പ്രാബല്യമുണ്ട് .
മെഡിക്കല്, ഡെന്റല് വിഭാഗം ഹൗസ് സര്ജന്മാരുടെ സ്റ്റൈപന്റ് 27,300 രൂപയാക്കി. ഒന്നാം വര്ഷ മെഡിക്കല്, ഡെന്റല് വിഭാഗം പി.ജി. ജൂനിയര് റസിഡന്റുമാര്ക്ക് 57,876 രൂപയും രണ്ടാം വര്ഷ ജൂനിയര് റസിഡന്റുമാര്ക്ക് 58,968 രൂപയും മൂന്നാം വര്ഷ ജൂനിയര് റസിഡന്റുമാര്ക്ക് 60,060 രൂപയുമാക്കിയാണ് സ്റ്റൈപന്റ് വര്ധിപ്പിച്ചത്.
മെഡിക്കല് സൂപ്പര് സ്പെഷ്യാലിറ്റി പി.ജി. ഒന്നാം വര്ഷ സീനിയര് റെസിഡന്റുമാര്ക്ക് 68,796 രൂപയും രണ്ടാം വര്ഷ സീനിയര് റെസിഡന്റുമാര്ക്ക് 70,980 രൂപയും മൂന്നാം വര്ഷ സീനിയര് റെസിഡന്റുമാര്ക്ക് 73,164 രൂപയുമാക്കി. മെഡിക്കല് ബോണ്ടഡ് പോസ്റ്റിംഗിലെ സീനിയര് റസിഡന്റുമാര്ക്ക് 76,440 രൂപയും ഡെന്റല് ബോണ്ടഡ് പോസ്റ്റിംഗിലെ സീനിയര് റസിഡന്റുമാര്ക്ക് 73,500 രൂപയും കോണ്ട്രാക്ട് പോസ്റ്റിംഗ് സീനിയര് റെസിഡന്റുമാര്ക്ക് 73,500 രൂപയുമാക്കിയാണ് സ്റ്റൈപ്പന്റ് വര്ധിപ്പിച്ചത്.
