പാലക്കാട്: മുൻ മുഖ്യമന്ത്രി വി എസ് അച്യുതാന്ദൻ ഭരണ പരിഷ്ക്കാര കമ്മിഷൻ ചെയർമാനായിരിക്കെ പേർസണൽ അസ്സിസ്റ്റന്റായിരുന്ന അഡ്വ എൻ അനിൽ കുമാർ (൫൯) അന്തരിച്ചു.
ബുധൻ രാത്രി എട്ടുമണിയോടെ പാലക്കാട് ടൗൺ സ്ക്വയർ ക്ലബ്ബിൽ സൗഹൃത്തുക്കൾക്കൊപ്പം സൗഹൃദ സംഭാഷണത്തിലായിക്കെ പെട്ടെന്ന് കുഴഞ്ഞു വീണ അദ്ദേഹത്തെ സുഹൃത്തുക്കൾ ഉടൻ തന്നെ തങ്കം ആശുപത്രിയിലെത്തിച്ചെങ്കിലും മരിച്ചിരുന്നു.
നിലവിൽ പാലക്കാട് ജില്ലാ കോടതിയിൽ അഭിഭാഷകനായ അദ്ദേഹം 2016 മുതൽ -2021 വരെ, കെജിഒഎയുടെ സംസ്ഥാന സെക്രട്ടേറിയറ്റ് അംഗമായിരുന്നു. സംസ്ഥാന പ്ലാനിംങ് ബോർഡിൽ റിസർച്ച് അസിസ്റ്റൻ്റായാണ് ജോലിയിൽ പ്രവേശിച്ചത്.
പാലക്കാട്, വയനാട്, മലപ്പുറം ജില്ലകളിൽ സേവനമനുഷ്ഠിച്ചു. സംസ്ഥാന ആസൂത്രണ ബോർഡിൽ ജോയിന്റ് ഡയറക്ടറായി വിരമിച്ചു. നിലവിൽ സിപിഎം അകത്തേത്തറ ലോക്കൽ കമ്മറ്റി അംഗവും, കർഷക സംഘം പഞ്ചായത്ത് പ്രസിഡൻ്റും ഏരിയ കമ്മറ്റി അംഗവുമാണ്. നടക്കാവ് മേൽപ്പാലം, മലമ്പുഴ റിംങ് റോഡ് പന്നിവയുടെ നിർമ്മാണ തുടങ്ങുന്നതിനായി ശ്ലാഘനീയമായ പ്രവർത്തനങ്ങൾക്ക് നടത്തിയ വ്യക്തിയാണ്. ഭൗതികശരീരം നടക്കാവ് സ്വവസതി എത്തിച്ചു. സംസ്കാരം പിന്നീട്.
ഭാര്യ: വസന്തകുമാരി, മകൾ: അനാമിക
