ആലപ്പുഴ: ചക്കുളത്തുകാവ് ശ്രീഭഗവതി ക്ഷേത്രത്തില്‍ നവരാത്രിയോട് അനുബന്ധിച്ച് ആണ്ടുതോറും നടത്തിവരാറുള്ള ചക്കുളത്തമ്മ നൃത്ത സംഗീതോത്സവം ഒക്ടോ. നാലിന് ആരംഭിച്ച് 13 ന് സമാപിക്കും. നാലിന് രാവിലെ എട്ടു മുതല്‍ സംഗീതാര്‍ച്ചന ആരംഭിക്കും.
സംഗീതാരാധനയ്‌ക്ക് പുറമെ ഭരതനാട്യം, ഡാന്‍സ്, കഥകളി, തിരുവാതിര, ഓട്ടന്‍തുള്ളല്‍, ചാക്യാര്‍കൂത്ത്, പാഠകം, കുച്ചുപ്പുടി, ഉപകരണ സംഗീതം, തുടങ്ങി ക്ഷേത്ര കലാരൂപങ്ങള്‍ അരങ്ങേറും. എല്ലാ ദിവസവും വൈകുന്നേരം കേരളത്തിന് അകത്തും പുറത്തും നിന്നുമുള്ള പ്രഗത്ഭ സംഗീതജ്ഞരുടെ സംഗീതാരാധന നടക്കും. ദീപാരാധനയ്‌ക്ക് ശേഷം നൃത്ത പരിപാടിയും ഉണ്ടായിരിക്കും.
പങ്കെടുക്കുന്ന എല്ലാ പ്രതിഭകള്‍ക്കും ചക്കുളത്തുകാവ് ട്രസ്റ്റ് വക സര്‍ട്ടിഫിക്കറ്റും നല്കുമെന്ന് ക്ഷേത്ര കാര്യദര്‍ശി മണിക്കുട്ടന്‍ നമ്പൂതിരി അറിയിച്ചു.
സംഗീതാര്‍ച്ചനയിലും നൃത്ത പരിപാടിയിലും മറ്റു ക്ഷേത്ര കലകളിലും പങ്കെടുക്കാന്‍ താല്പര്യമുള്ളവര്‍ ക്ഷേത്ര ഓഫീസുമായി നേരിട്ടോ ഫോണ്‍ മുഖേനയോ വാട്‌സാപ്പ് വഴിയോ ബന്ധപ്പെട്ട് പേരുകള്‍ മുന്‍കൂട്ടി രജിസ്റ്റര്‍ ചെയ്യണം. ഫോ: 0477-2213550, 9188311000, +91 70129 94843.
പ്രതികരിക്കാൻ ഇവിടെ എഴുതുക