തൃശ്ശൂര് : കരുവന്നൂര് കള്ളപ്പണമിടപാട് കേസില് ഇഡിയുടെ നിര്ണായക നടപടി. കേസില് സിപിഎമ്മിനെ എന്ഫോഴ്സ്മെന്റ് ഡയറക്ടറേറ്റ് (ഇ.ഡി) പ്രതി ചേര്ത്തു
സിപിഎമ്മിന്റെ സ്ഥലമടക്കം 29 കോടിയുടെ സ്വത്തുക്കള് കൂടി കണ്ടുകെട്ടി. സിപിഎം തൃശൂര് ജില്ലാ സെക്രട്ടറി എം എം വര്ഗീസിന്റെ പേരിലുളള പൊറത്തുശേരി പാര്ട്ടി കമ്മിറ്റി ഓഫീസിന്റെ സ്ഥലവും സിപിഎമ്മിന്റെ 60 ലക്ഷം രൂപയുടെ എട്ട് ബാങ്ക് അക്കൗണ്ടുകളുമടക്കമാണ് ഇഡി കണ്ടുകെട്ടിയത്.
. പാര്ട്ടിയുടെ വിവിധ ഘടകങ്ങളുടെ 8 അക്കൗണ്ടുകളാണ് കണ്ടുകെട്ടിയത്. തൃശൂര് ജില്ലാ കമ്മിറ്റിയുടെ 2 അക്കൗണ്ടുകളും ഇതില് ഉള്പ്പെടും.
പൊറത്തിശേരി ലോക്കല് കമ്മിറ്റി ഓഫിസ് നിര്മിക്കാന് വാങ്ങിയ ഭൂമിയും കണ്ടുകെട്ടി. സിപിഎമ്മില്നിന്ന് മാത്രം കണ്ടുകെട്ടിയത് 73 ലക്ഷത്തിന്റെ സ്വത്തുക്കളാണ്. 9 വ്യക്തികളുടെ സ്വത്തുക്കളും കണ്ടുകെട്ടി. കരുവന്നൂര് സഹകരണ ബാങ്കില്നിന്ന് അനധികൃതമായി ലോണ് സമ്പാദിച്ചവരുടെ സ്വത്താണ് കണ്ടുകെട്ടിയത്.
